Njuškii siskáldâsân

Astrid Lindgren

Wikipedia:st
Astrid Lindgren
Šoddâm skammâmáánu 14. peeivi 1907
Vimmerby, Ruotâ
Jáámmám uđđâivemáánu 28. peeivi 2002 (94-ihásâžžân)
Tukholma, Ruotâ
Pargo
Áámmát kirječällee
Kirjálâšvuođâ šlaajâ párnáikirjálâšvuotâ
Kielâ ruotâkielâ
Peerâ
Vanhimeh Samuel August Ericsson
Hanna Ericsson
Pelikyeimi Sture Lindgren
Lasetiäđuh
Nommâčáálus

Astrid Anna Emilia Lindgren (š. Ericsson; 14. skammâmáánu 1907 Vimmerby, Ruotâ28. uđđâivemáánu 2002 Tukholma, Ruotâ) lâi ruátálâš párnáikirječällee.

Eellim[mute | mute käldee]

Lindgren šoodâi skammâmáánu 14. peeivi 1907 Vimmerby alda Smålandist. Suu eeči lâi eennâmviljâleijee Samuel August Ericsson já enni Hanna Ericsson. Lindgrenist lijjii puárásub viljâ Gunnar (1906–1974), kii šoodâi politikkárin, já kyehti nuorâb uábi Stina (1911–2002) já Ingegerd (1916–1977).[1]

Sun jođeškuođij škoovlâ Vimmerbyst čohčuv 1914. Škoovlâ maŋa Lindgren porgâškuođij 16-ihásâžžân toimâttâshárjuttâllen páihálâšlostâ Vimmerby tidningist. 18-ihásâžžân ive 1926 sun varrij Tukholman já šoddâdij tobbeen vuossâmuu päärnis Lars siämmáá ive. Lars aasâi arâpärnivuođâst sajasâšperrust Kööbenhamânist. Lindgren poorgâi čällen Kungliga Automobilklubbenist já teeivâi tobbeen toimâttâhhoovdâ Sture Lindgren. Sun lâi 23-ihásâš, ko suoi naajáin ive 1931. Talle meid Lindgren kandâ Lars varrij sunnuu kuuvl. Kulmâ ive maŋeláá šoodâi nubbe páárnáš Karin. Lindgren poorgâi ive 1945 rääjist 25 ihheed Rabén & Sjögren párnáikirjetoimâtteijen. Suu käälis jaamij ive 1957, já taan rääjist sun aasâi ohtuu Tukholmast. Lindgren puáccái já jaamij uđđâivemáánu 28. peeivi 2002 94-ihásâžžân.

Čalluuh[mute | mute käldee]

Lindgren vuossâmuš kirje Britt-Marie lättar sitt hjärta almostui ive 1944. Ive maŋeláá sun vuoitij Rabén & Sjögren -kuástideijee párnáikirjekišto kirjijn Pippi Långstrump (suomâkielân Peppi Pitkätossu), mii lâi algâaalgâst čallum suu nieidâ šoddâmpeiviskeŋkkân. Iivij 19441993 Lindgren čaalij ohtsis 53 kirjed. Suu kirjeh láá jurgâlum 101 kielân, já toh láá vuobdum maailmvijđosávt paijeel 80 miljovn pittád. Stuárráámuu uási Lindgren kiirjijn lii kuvvim Ilon Wikland. Lindgren kiirjijn láá rahtum ohtsis 40 elleekovveed já maaŋgah TV-rááiđuh. Lindgren jieš kietâčaalij puoh elleekuuvijd.

Fáádást eres soojijn[mute | mute käldee]

Käldeeh[mute | mute käldee]

  1. Ljunggren, Kerstin: Lastenkirjailija Astrid Lindgren, s. 12–13. WSOY, 1997. ISBN 9510208876.
Jurgâlus
Jurgâlus
Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâlâš artikkâl: fi:Astrid Lindgren