Almosvalastâllâm maailmmiäštárkištoh 2023 – Nisonij stávránjuškim
Ive 2023 almosvalastâllâm maailmmiäštárkištoin nisonij stávránjuškim uárnejui porgemáánu 21.–23. peeivi. MM-kollemiitaal vuoittijn australialâš Nina Kennedy já haldâšeijee olympiavyeittee, ovtâstumstaatâlâš Kate Moon puátusáin 490 cm.[1] Wilma Murto vuoitij pronssimiitaal puátusáin 480 cm.[2]
Rätkim
[mute | mute käldee]Puátuseh
[mute | mute käldee]Finalân: 4,65 m (Q) teikâ 12 pyeremussâd puáđusid (q).[3]
Fiinaal
[mute | mute käldee]Čuákánkiäsu
[mute | mute käldee]Kištoin kuttâ njuškejeijee pessii paijeel 475 cm. Mitalistij lasseen slovenialâš Tina Šutej, sveiccilâš Angelica Moser já eŋlandlâš Molly Caudery luhostuvvii tast. Ovdil 480 cm tuše Murtost já Moonist lijjii putes pevdikirjeh, ađai sunnust ij lamaš ohtâgin kočâttem. Šutej já Kennedy láin kočâttâm 475 cm:ist ohtii. Moserist já Cauderyst vist ton čođâldittem luhostui eskin kuálmádáin irâttâssáin. Šutej já Kennedy tarbâsáin tuše oovtâ irâttâs 480 cm:ist. Moon kuođij 475 cm njuškiihánnáá. 480 cm:ist sun feilij ohtii, mut luhostui nubbijn irâttâssáin. Murto njuškij taan aloduv vuossâmuin irâttâssáin, já návt sust šoodâi kištoi jođetteijee. Moser feilij kulmii, já sun koočâi kištoin. Caudery feilij kuohtii, mut sun meridij sirdeđ majemuu irâttâsâs 485 cm:ân, tastko hyeneeb pevdikirje tiet sust ij liččii lamaš máhđulâšvuotâ lappâđ eres njuškejeijeid veik sun ličij-uv luhostum ton aloduvvâst. Sun feilij meid majemuu irâttâsâs, mon maŋa kištoin lijjii innig nelji njuškejeijee. Kennedy já Moon peesáin paijeel 485 cm, mut Murto ij. Sun kočâttij kulmii, já návt sun monâttij máhđulâšvuođâ peessâđ kyevti pyeremuu juávkun. Tina Šutej-uv feilij puoh kulmâ irâttâs 485 cm:ist. Tastko sust lâi ohtâ kočâttem 475 cm:ist já Murtost ij ohtâgin ovdil 485 cm, te syemmilâš finnij pronssimiitaal. Kennedy já Moon njuškijn vala 490 cm paijeel, mut suoi feilijn 495 cm:ist. Ko sunnuu kooččâtmij mereh lijjii siämmááh, te suoi láin vala-uv täsitiileest. Njuolgâdusâi mieldi täsitiileest leijee valastâlleeh uážžuh sooppâđ jiejah, ete juátkojeh-uv sii kištoh vâi jyehih-uv sij vuáitu. Kennedy já Moon meridáin jyehiđ vuáitu, já návt kuábbáást-uv šoodâi uđđâ maailmmiäštár.[4]
Puátuseh
[mute | mute käldee]Fiinaal aalgij porgemáánu 23. peeivi tme 19.30.[5]
| Saje | Nommâ | Staatâ | 430 | 450 | 465 | 475 | 480 | 485 | 490 | 495 | Pyeremus | Huám. |
|---|---|---|---|---|---|---|---|---|---|---|---|---|
 | Nina Kennedy |  Australia | – | o | o | xo | o | o | xxo | xxx | 490 | |
| Katie Moon |  Ovtâstum staatah | – | o | o | – | xo | o | xxo | xxx | 490 | |
 | Wilma Murto |  Suomâ | – | o | o | o | o | xxx | 480 | |||
| 4 | Tina Šutej |  Slovenia | o | o | o | xo | o | xxx | 480 | |||
| 5 | Molly Caudery |  Ovtâstum kunâgâskodde | xo | o | o | xxo | x– | xx | 475 | |||
| 5 | Angelica Moser |  Sveicci | o | o | xo | xxo | xxx | 475 | ||||
| 7 | Sandi Morris | Ovtâstum staatah | – | o | o | xxx | 465 | |||||
| 8 | Robeilys Peinado |  Venezuela | o | o | xo | xxx | 465 | |||||
| 9 | Elisa Molinarolo |  Italia | o | o | xxx | 450 | ||||||
| 9 | Hana Moll | Ovtâstum staatah | o | o | xxx | 450 | ||||||
| 11 | Amálie Švábíková |  Čekki | xo | o | xxx | 450 | ||||||
| 12 | Bridget Williams | Ovtâstum staatah | o | xo | xxx | 450 |
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Almosvalastâllâm maailmmiäštárkištoh 2023 – Nisonij stávránjuškim.
Käldeeh
[mute | mute käldee]- ↑ RESULTS: Pole Vault Women - Qualification olympics.com. Čujottum 25.8.2023. (eŋgâlâskielân)
- ↑ Myllykoski, Tatu: Wilma Murto otti MM-pronssia! Pitkä piina ohi Ilta-Sanomat. 23.8.2023. Čujottum 25.8.2023. (suomâkielân)
- ↑ QUALIFICATION | Pole Vault | Results | Budapest 23 | World Athletics Championships worldathletics.org. Čujottum 25.8.2023. (eŋgâlâskielân)
- ↑ Suominen Saammâl: Wilma Murto lii vuáittám stávránjuškim MM-proonsi anarasaavis.fi. 25.8.2023. Čujottum 25.8.2023.
- ↑ RESULTS: Pole Vault Women - Final media.aws.iaaf.org. Čujottum 25.8.2023. (eŋgâlâskielân)