A. A. Milne

Wikipedia:st
Siirry navigaatioon Siirry hakuun
Alan Alexander Milne
Milne-Shadowland-1922.jpg
Šoddâm uđđâivemáánu 18. peeivi 1882
Lontoo, Eŋland, Ovtâstum kunâgâskodde
Jáámmám uđđâivemáánu 31. peeivi 1956 (74-ihásâžžân)
Hartfield, Sussex, Eŋland, Ovtâstum kunâgâskodde
Pargo
Áámmát kirječällee
Noomah A. A. Milne
Kirjálâšvuođâ šlaajâ párnáikirjálâšvuotâ
Kielâ eŋgâlâskielâ
Peerâ
Vanhimeh John Vine Milne já Sarah Marie Heginbotham
Pelikyeimi Dorothy de Sélincourt
(vihkâm 1913)
Párnááh Christopher Robin Milne

Alan Alexander Milne (18. uđđâivemáánu 1882 Lontoo, Eŋland, Ovtâstum kunâgâskodde31. uđđâivemáánu 1956 Hartfield, Sussex, Eŋland, Ovtâstum kunâgâskodde) lâi eŋlandlâš kirječällee. Sun šoodâi tobdosin Winnie-the-Pooh -párnáikirjij čällen.

Eellim[Mute | Mute käldee]

Alan Alexander Milne šoodâi uđđâivemáánu 18. peeivi 1882 Lontoost perruus kuálmádin pärnin. Suu vaanhimeh láin priivaatškoovlâ rehtor John Vine Milne já Sarah Marie Heginbotham. Milne juuđij Westminster škoovlâ Lontoost já luuvâi maŋeláá matematiik Cambridge ollâopâttuvâst. Valmâštum maŋa ive 1903 sun maacâi Lontoon já čäliškuođij esseid já tiivtâid. Milne naajâi Dorothy "Daphne" de Sélincourtáin ive 1913 já sunnui šoodâi kandâ Christopher Robin ive 1920. Milne lâi pasifist, mut kaartâi kuittâg uásálistiđ vuossâmuu maailmsuátán ive 1915. Suáđi maŋa sun šoodâi tobdosin čaitâlmij čällen já čaalij meid syelipoolisroomaan The Red House Mystery, mii almostui ive 1922.[1]

Tiivtah já Winnie-the-Pooh[Mute | Mute käldee]

Milne vuossâmuš tihtâčuágáldâh parnijd When We Were Very Young almostui ive 1924 já ton jotkâuási And Now We Are Six ive 1927. Suu tobdosumos čalluuh láá kuittâg Winnie-the-Pooh -njoobžâst muštâleijee párnáikirjeh Winnie-the-Pooh (1926) já The House at the Pooh Corner (1928). Kiirjijn fiäránisteh Christopher Robin -nommâsâš kandâ já elleejuávkku. Toi ovdâkovveen lijjii Milne jieijâs kandâ Christopher já suu sierah.[1] Winnie-the-Pooh šoodâi 1900-lovo klassikkon. Kirjeh láá vuábdum 20 miljovn pittád, já toh láá jurgâlum paijeel 50 kielân. Disney almostitij vuossâmuu Winnie-the-Pooh -elleekove ive 1966.[2]

Jäämmim[Mute | Mute käldee]

Milne puáccái 1950-lovo aalgâst já jaamij päihistis uđđâivemáánu 31. peeivi 1956 74-ihásâžžân.[1]

Käldeeh[Mute | Mute käldee]

  1. 1,0 1,1 1,2 Biography.com Čujottum 22.10.2021 (eŋgâlâskielân)
  2. Smithsonian Magazine Čujottum 22.10.2021 (eŋgâlâskielân)