Ovtâstum staatâi sämmiliih

Ovtâstum staatâi sämmiliih láá ovtâstumstaatâliih, kiäin láá sämimadduuh.

Maaŋgâi Ovtâstum staatâi sämmilij maddâreh värrejii vistig Alaska uásistaatân 1800-lovo loopâst. Ovtâstum staatâi virgeomâhááh lijjii halijdâm máttááttiđ puásuituálu Alaska algâaalmugáid, tastko lijgepivdem keežild ärbivuáváliih iäláttâsah – nuárjui, muuršâi já vállái pivdem – iä innig pijssám. Čuávuvái iheluuvij ääigi maaŋgah sämmiliih páguttuvvojii varriđ Alaskast meddâl. Onnáá peeivi tuše uccâ uásist Ovtâstum staatâi sämmilijn láá siäiluttâm sämiärbivuovijd. Ovtâstum staatâi viehâdâhlyeštimist ive 2000 lijjii 945 olmožid almottâm, et sist láá sämimadduuh. Lii arvâlum, et Tave-Amerikist ääsih sullân 30 000 sämmilâžžâd.^[1]^[2]

1990-lovvoost almostuuškuottii kyehti loostâ, Árrán já Báiki, moi ulmen lii nanodiđ Ovtâstum staatâi sämmilij ohtâvuođâ jieijâs madduid já historján. Ive 1996 vuáđudui meiddei Tave-Amerik sämmilij servi, Sami Siida of North America.

Käldeeh

↑ The Sami - Misconceptions | Milwaukee Public Museum web.archive.org. 13.1.2014. Čujottum 13.12.2022. (eŋgâlâskielân)
↑ Chris Pesklo: Cultural Revitalisation: ‘Feeding on the Tools of the Conquerors’—A Sami-American Perspective, s. 209–218. ANU Press, 2018. ISBN 978-1-76046-262-8. Tyeje nettiversio (čujottum 13.12.2022).

Jurgâlus

Taat artikkâl teikkâ uási tast lii jurgâlum teikkâ toos láá uccum tiäđuh ereskielâlâš Wikipedia artikkâlist.
Algâalgâlâš artikkâl: en:Sami Americans

[1] The Sami - Misconceptions | Milwaukee Public Museum web.archive.org. 13.1.2014. Čujottum 13.12.2022. (eŋgâlâskielân)

[2] Chris Pesklo: Cultural Revitalisation: ‘Feeding on the Tools of the Conquerors’—A Sami-American Perspective, s. 209–218. ANU Press, 2018. ISBN 978-1-76046-262-8. Tyeje nettiversio (čujottum 13.12.2022).

[1]

[2]