Zagreb pirrâdâhkodde
Zagreb pirrâdâhkodde (kroatiakielân Zagrebačka županija) lii pirrâdâhkodde Kroatiast. Tot lii Kroatia uáivikaavpug Zagreb pirrâ, mondiet ton lijgenommâ lii motomin Zagreb riegis (kroatiakielân zagrebački prsten). Veikkâ ovdâl kaavpug kuulâi pirrâdâhkoodán, tot ij lah kuullâm toos šât ive 1997 maŋa.
Eennâmtieđâ
[mute | mute käldee]Zagreb pirrâdâhkode vijđodâh lii 3 078 km².[1] Vijđoduv mield tot lii Kroatia 6. stuárráámus pirrâdâhkodde.[1]
Sajadâh já rääjih
[mute | mute käldee]Zagreb pirrâdâhkodde lii Kroatia taveviestârist. Ton ránnjápirrâdâhkodeh láá nuorttân Bjelovar-Bilogora pirrâdâhkodde, mäddin Sisak-Moslavina pirrâdâhkodde, maadâviestârist Karlovac pirrâdâhkodde sehe tavveen Krapina-Zagorje pirrâdâhkodde, Zagreb kaavpug, Varaždin pirrâdâhkodde já Koprivnica-Križevci pirrâdâhkodde. Viestârist lii Kroatia staatârääji Sloveniain.
Viehâdâh
[mute | mute käldee]
Ässeeloho
[mute | mute käldee]Ive 2021 aalmugrekinistem mield pirrâdâhkoddeest ääsih 299 985 olmožid.[1]
Kaavpugeh
[mute | mute käldee]Pirrâdâhkode stuárráámus kaavpug lii Velika Gorica, mast ääsih 30 036 olmožid. Eres stuorrâ kaavpugeh láá Samobor, Zaprešić já Sveta Nejelda.
Kovegalleria
[mute | mute käldee]- Koveh Zagreb pirrâdâhkoddeest
Muštomerkkâ Velika Goricast
Puáris šalde Granicajuuvâ rasta Samoborist
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Zagreb pirrâdâhkodde.
