Vuoijâmdiplom
Vuoijâmdiplom lii diplom, mii čáittá, et olmooš máttá vuoijâđ.
Vuáládâhenâmeh
[mute | mute käldee]Vuáládâhenâmijn vuoijâmškoovlah fäälih A-diplom, B-diplom já C-diplom. A-diplom vuoijâmtiijmeh algâttuvvojeh 4,5–5-ihásâžžân. A-diplomân viggee vuoijâmtiijmeh pišteh ain 40 minuttid häävild, já diplom várás tarbâšuvvojeh koskâmiärálávt 75 vuoijâmtijmed. B-diplom já C-diplom láá vaigâduboh ko A-diplom, mut toi juksâmân iä tarbâšuu siämmáá ennuv oppâtiijmeh.[1]
Vuáládâhenâmijn lii epitáválâš, jis párnást ij lah vuoijâmdiplom. Ive 2019 statistiik mield masaba puoh 11–16-ihásijn (97 %) lii A-diplom, kuulmâ niäljádâsâst (78 %) lii B-diplom já kuálmádâsâst lii C-diplom.[2]
A-diplom
[mute | mute käldee]A-diplom vuojâdeijest kalgeh leđe pihtâseh pajalist: kuhes puuvsah já kuhessuájápäiđi já čäcikammuuh. Sun kalga mättiđ čuávuváid aašijd:[1][3]
- Njuškiđ njuolgâdin čáácán, tuolmâđ čääsi 15 sekuntid, vuoijâđ 12½ meetterid raddevuoijâm já puáttiđ meddâl čääsist;
- Puohčâliđ čáácán, vuoijâđ luvvijn kietâkiäsoin vittâ meetter raddekrooli vuoiŋâhánnáá, muáđoh čääsist;
- Puohčâliđ čáácán, vuoijâđ luvvijn kietâkiäsoin vittâ meetter čielgikrooli;
- Puohčâliđ čáácán, vuoijâđ vittâ meetter raddevuoijâm, kobđođ vittâ seekunt čuávji alne, vuoijâđ vuod vittâ meetter raddevuoijâm já toohâđ pelijorgettem kukkodâhakselist já tastoo kobđođ love sekuntid seelgi alne;
- Njuškiđ koppârušmáin čáácán, sundástiđ čääsi vyelni, vuoijâđ kulmâ meetter čääsi vyelni, vuoijâđ purjâskággá rääigi čoođâ, vuoijâđ 25 meetterid raddevuoijâm, mast lii ohtii juolgij oolâ vuáijum poonán, vuoijâđ 25 meetterid čielgivuoijâm, 25 meetterid raddevuoijâm já 25 meetterid čielgivuoijâm;
- Njuškiđ čáácán, tuolmâđ čääsi 60 sekuntid kieđâigijn já juolgijgijn iššeedmáin já juurrâđ siämmást kuohtii jieijâs pirrâ.
Käldeeh
[mute | mute käldee]- ↑ a â Valkeapolku, Valtteri: Vuáládâheennâmlâš olympiavuojâdeijee Sean Niewold lii finnim vuosmuu vuoijâmdiplomis anarasaavis.fi. 21.7.2025. Čujottum 21.7.2025.
- ↑ Van A-diploma tot zwemvaardigheid: zwemmen in cijfers sportenstrategie.nl. Čujottum 21.7.2025. (hollandkielân)
- ↑ Diploma A allesoverzwemles.nl. Čujottum 21.7.2025. (hollandkielân)