Uđđâ muusik kišto 2026
Uđđâ muusik kišto 2026 (uán. UMK2026 teikkâ UMK26) lâi 15. kerdi, ko lávlumkišto uárnejui. Uđđâ muusik kištoost väljejui Suomâ ovdâsteijee ive 2026 Euroviisuid, moh uárnejuvvojii Nuorttâriijkâst tondiet ko Nuorttâriijkâ ovdâsteijee JJ vuoitij ive 2025 kišto.
Kišto fiinaal uárnejui kuovâmáánu 28. peeivi 2026 Nokia Arenast Tamperest.[1] Kiišton uásálistii 7 artistid.[2] Linda Lampenius & Pete Parkkonen finnijn finalist 570 čyegisid suomâkielâg pitástis Liekinheitin já te vuoittijn ubâ kišto.[3] Lampenius já Parkkonen ovdâstává Suomâ siämmáá ive Euroviisuin Wienist Nuorttâriijkâst.
Sajadâh
[mute | mute käldee]
Ive 2024 Yle siirdij Uđđâ muusik kišto Tamperen Tuurkust, kost uárnejuvvojii iivij 2019, 2022 já 2023 kištoh. Tampere lâi nuuvt pyeri saje kiišton, ete meridui orniđ tobbeen meiddei ive 2026 kišto.[1]
Formaat
[mute | mute käldee]Jođetteijeeh já čielgejeijeeh
[mute | mute käldee]Ive 2026 kišto jođetteijen lijjii jođetteijee já kirječällee Sami Sykkö, tánssájeijee já koreograf Jorma Uotinen já Yle toimâtteijee Jasmin Beloued.[4]
Meid ive 2026 lâi máhđulâš čuávvuđ kišto Yle Areena já radio peht sehe orjâlâš- já anarâškielân.[5] Linda Tammela čielgee orjâlâškielân já Heli Huovinen anarâškielân.[5][6] Kišto puovtij čuávvuđ eres-uv kieláid, moi čielgejeijen láá Mikko Silvennoinen (suomâkielâ), Johan Lindroos já Eva Frantz (ruotâkielâ), Jaakko Oleander-Turja (eŋgâlâskielâ), Levan Tvaltvadze (ruošâkielâ) já Galyna Sergeyeva (ukrainakielâ).[5] Seevvimkielâg čielgejeijen toimii Miguel Peltomaa (pitái seevvimtulkkum), Silva Belighti (syemmilâš seevvimkielâ) já Robin Hänninen (suomâruátálâš seevvimkielâ).[5] Sii lasseen seevvimkielâg vuolgâttâs čielgijn Robin Hänninen, Maija Lindström já Markus Aro.[5] Kišto puovtij čuávvuđ meiddei vuáládâheennâmlâš OUT peht, mast Krista Siegfrids čielgij fiinaal.[5]
Rääđih
[mute | mute käldee]Aalmugijkoskâsiih rääđih
[mute | mute käldee]Suomâ ovdâsteijee ive 2026 Euroviisui finalist väljejii aalmugijkoskâsiih rääđih čiččâm enâmist: Ovtâstum kunâgâskodde, Vuáládâhenâmeh, Montenegro, Espanja, Malta, Tanska já Nuorttâriijkâ. Rääđijesâneh lijjii:
| Staatâ | Rääđijeessân |
|---|---|
 Ovtâstum kunâgâskodde |
Kabir Naidoo |
 Vuáládâhenâmeh |
Eleonora de Jager |
 Montenegro |
Vladana Vučinić |
 Espanja |
Mercè Llorens |
 Malta |
Miriana Conte |
 Tanska |
Sissal |
 Nuorttâriijkâ |
JJ |
Ovdil fiinaal
[mute | mute käldee]Occeeh vuolgâttii pitáidis porgemáánu 18.–24. peeivi 2025.[7] Ive 2026 kiišton vuolgâttuvvojii eenâb pitáh ko kuássin ovdil, ohtsis 491.[2] Tain Yle valjim áámmáträäđi já vittâ kuldâleijeerääđi väljejii 7 pittád finalân.[2] Rääđi almostitij finalistij noomâid uđđâivemáánu 14. peeivi 2026: Antti Paalanen, Chachi, Etta, Kiki, Komiat, Linda Lampenius & Pete Parkkonen já Sinikka Monte.[2] Finalistij pitáh já tai videoh almostuvvii jyehi argâpeeivi Uđđâ muusik kišto jieijâs YouTube-kanavast sehe Yle Areenast, Spotifyst já eres njuolgâkiärdudempalvâlusâin uđđâivemáánu 15. peeivi rääjist jyehi argâpeeivi ohtâ häävild.[2]
| Artist | Pittá | Kielâ | Laavlârähteeh |
|---|---|---|---|
| Antti Paalanen | Takatukka | suomâkielâ | Heidi Maria Paalanen, Saara Törmä, Lauri Halavaara, Antti Paalanen[8] |
| Chachi | Cherry Cake | eŋgâlâskielâ | Chachi, Johannes Naukkarinen, Linnea Deb[9] |
| Etta | Million Dollar Smile | suomâkielâ | Emmalotta Kanth, Kaisa Korhonen, Iiro Paakkari, Arttu Istala, Kyösti Salokorpi[10] |
| Kiki | Rakkaudenkipee | suomâkielâ | Petra Gavalas, Niko Salmela, Jaakko Kiuru, Leo Jupiter[11] |
| Komiat | Lululai | suomâkielâ | Sampo Haapaniemi, Joni Rahkola[12] |
| Linda Lampenius & Pete Parkkonen | Liekinheitin | suomâkielâ | Antti Riihimäki, Lauri Halavaara, Vilma Alina, Linda Lampenius, Pete Parkkonen[13] |
| Sinikka Monte | Ready To Leave | eŋgâlâs- já suomâkielâ | Sinikka Monte, Florian Spies[14] |
Fiinaal
[mute | mute käldee]Fiinaal uárnejui kuovâmáánu 28. peeivi 2026 Nokia Arenast Tamperest.[1] Finnpanel mield vuolgâttâs Yle TV1:st keččii koskâmiärálávt paijeel 1,8 miljovn olmožid, já keččei enâmusmeeri lâi ohtsis 2,5 miljovn olmožid.[15]
Finalist artisteh lávdástii čuávuváá oornigist:[16]
| Nr. | Artist | Pittá |
|---|---|---|
| 1 | Komiat | Lululai |
| 2 | Etta | Million Dollar Smile |
| 3 | Kiki | Rakkaudenkipee |
| 4 | Antti Paalanen | Takatukka |
| 5 | Chachi | Cherry Cake |
| 6 | Sinikka Monte | Ready To Leave |
| 7 | Linda Lampenius & Pete Parkkonen | Liekinheitin |
Jienâstem
[mute | mute käldee]| Nr. | Artist | Pittá | |
|
|
|
|
|
|
Ohtsis |
|---|---|---|---|---|---|---|---|---|---|---|
| 1 | Komiat | Lululai | 10 | 6 | 2 | 2 | 10 | 4 | 6 | 40 |
| 2 | Etta | Million Dollar Smile | 0 | 0 | 4 | 4 | 2 | 0 | 2 | 12 |
| 3 | Kiki | Rakkaudenkipee | 6 | 2 | 0 | 6 | 6 | 8 | 0 | 28 |
| 4 | Antti Paalanen | Takatukka | 8 | 8 | 10 | 10 | 0 | 10 | 12 | 58 |
| 5 | Chachi | Cherry Cake | 2 | 10 | 0 | 6 | 4 | 2 | 8 | 32 |
| 6 | Sinikka Monte | Ready To Leave | 4 | 4 | 8 | 8 | 12 | 6 | 4 | 46 |
| 7 | Linda Lampenius & Pete Parkkonen | Liekinheitin | 12 | 12 | 12 | 12 | 8 | 12 | 10 | 78 |
| Nr. | Artist | Pittá | |||
|---|---|---|---|---|---|
| Jienah | Prooseent | Čuággáh | |||
| 1 | Komiat | Lululai | 8,6 % | 76 | |
| 2 | Etta | Million Dollar Smile | 3,4 % | 30 | |
| 3 | Kiki | Rakkaudenkipee | 1,6 % | 14 | |
| 4 | Antti Paalanen | Takatukka | 17,2 % | 152 | |
| 5 | Chachi | Cherry Cake | 7,6 % | 67 | |
| 6 | Sinikka Monte | Ready To Leave | 5,8 % | 51 | |
| 7 | Linda Lampenius & Pete Parkkonen | Liekinheitin | 55,8 % | 492 |
Kišto loppâpuáđus
[mute | mute käldee]Aalmugijkoskâsij raađij adelem jienah já aalmugjienah reknistuvvojii oohtân nuuvt ete aalmugjienâi tiädduárvu lâi 75 % já aalmugijkoskâsij raađij jienâi 25 %. Ovdebáá kištoost spiekâstmáin jienâstem lâi áávus tállán njuálguvuolgâttâs aalgâ rääjist. Linda Lampenius & Pete Parkkonen finnijn finalist 78 čyegisid aalmugijkoskâsijn raađijn já 492 čyegisid aalmugjienâstmist ađai ohtsis 570 čyegisid já te vuoittijn ubâ kišto.
| Nr. | Artist | Pittá | Čuággáh aalmugijkoskâsijn raađijn |
Čuággáh aalmugjienâstmist |
Ohtsis | Saje |
|---|---|---|---|---|---|---|
| 1 | Komiat | Lululai | 40 | 76 | 116 | 3 |
| 2 | Etta | Million Dollar Smile | 12 | 30 | 42 | 6 |
| 3 | Kiki | Rakkaudenkipee | 28 | 14 | 42 | 7 |
| 4 | Antti Paalanen | Takatukka | 58 | 152 | 210 | 2 |
| 5 | Chachi | Cherry Cake | 32 | 67 | 99 | 4 |
| 6 | Sinikka Monte | Ready To Leave | 46 | 51 | 97 | 5 |
| 7 | Linda Lampenius & Pete Parkkonen | Liekinheitin | 78 | 492 | 570 | 1 |
Fáádást eres soojijn
[mute | mute käldee]Käldeeh
[mute | mute käldee]- 1 2 3 Aaltonen, Elise: UMK järjestetään Tampereella myös ensi vuonna Yle. 17.5.2025. Čujottum 19.5.2025. (suomâkielân)
- 1 2 3 4 5 Oleander, Jaakko: Tässä he ovat: vuoden 2026 UMK-kilpailijat Yle. 14.1.2026. Čujottum 14.1.2026. (suomâkielân)
- ↑ Lappalainen, Ville: Linda Lampenius ja Pete Parkkonen voittivat UMK:n yle.fi. 26.2.2025. Čujottum 26.2.2025. (suomâkielân)
- ↑ Tähtivaara, Sarianne: Tässä ovat UMK-juontajat! Ilta-Sanomat. 6.2.2026. Čujottum 6.2.2026. (suomâkielân)
- 1 2 3 4 5 6 Saulo, Sandra já Lassila, Juhani: Kaikki UMK26:sta – näin seuraat, äänestät ja chattailet mukana! Yle. 23.2.2026. Čujottum 24.2.2026. (suomâkielân)
- ↑ Kelemeny, Sara: Tv-prográmmaid čilgejit sámás hárve ja danin UMK lea šaddan dehálažžan jagiid mielde – Ođđa musihka gilvu fas lávvardaga Yle Säämi. 27.2.2026. Čujottum 27.2.2026. (orjâlâškielân)
- ↑ UMK26-haku alkaa elokuussa – Katso hakupäivät ja säännöt! Yle. Čujottum 14.1.2026. (suomâkielân)
- ↑ Antti Paalanen - Takatukka Yle. Čujottum 21.1.2026.
- ↑ Chachi - Cherry Cake Yle. Čujottum 21.1.2026.
- ↑ Etta - Million Dollar Smile Yle. Čujottum 21.1.2026.
- ↑ Kiki - Rakkaudenkipee Yle. Čujottum 21.1.2026.
- ↑ Komiat - Lululai Yle. Čujottum 21.1.2026.
- ↑ Linda Lampenius x Pete Parkkonen - Liekinheitin Yle. Čujottum 21.1.2026.
- ↑ Sinikka Monte - Ready To Leave Yle. Čujottum 21.1.2026.
- ↑ Äijälä, Satu: UMK teki katsojaennätyksen Ilta-Sanomat. 1.3.2026. Čujottum 1.3.2026. (suomâkielân)
- ↑ Jaakko Oleander paljasti UMK-kilpailijoille heidän esiintymisjärjestyksen! Yle. 9.2.2026. Čujottum 18.2.2026. (suomâkielân) já (eŋgâlâskielân)