Tunturi-Kiekko ry
Tunturi-Kiekko ry (anarâškielân Tuodâr-Skiärru rs) lii avveellâš jieŋâskiärruservi, mii vuáđudui kuovâmáánu 18 peeivi 1983. Tot lii Suomâ tavemus jieŋâskiärruservi. Tu-Ki toimâmkuávlu lii Avveel lasseen Anarist, Kaamâsist, Suáluičielgist, Ucjuuvâst já Kirkkonjaargâst Taažâ peln. Tu-Ki lii Laapi kuálmádin stuárráámus jieŋâskiärruservi Suomâst, já Tu-Ki tooimâ kuávdáást lii eromâšávt nuorâi jieŋâskiärrutoimâ. Tu-Ki lii finnim olssis meiddei “täsniservi”-nomâttâs Suomâ olympiakomiteast, já Tu-Ki lâi vuossâmuš servi Laapist, mii finnij tom.[1]
Tu-Ki päikkispeelah spiällojeh Avelist Tunturiareenast. Seervist láá maŋgâ spelleejuávhu, nuuvt párnáid ko rävisulmuid. Peerâluistâlmist já jieŋâskiärruškoovlâst máttááttuvvojeh jieŋâskiäru já luistâlem algâuápuh. Juniorahasij spellâmääđhih láá pirrâ Laapi, já määđhih tahhojeh Tu-Ki linjášautoin.[1]
Servi fáálá maaŋgâlágán tooimâ sijjân, kiäh halijdeh uápásmuđ jieŋâskiärun. Meid Avveel ulguubeln lii máhđulâšvuotâ spellâđ jieŋâskiäru olgojieŋâ alne. Almaid uáivildum Tukikepit-juávkku jotá Barents Hockey League -speelâin Suomâ ulguubeln-uv. Ive 2025 Tu-Ki ovdâstemjuávkku speelâi Lappi-liiga III-divisioonast.[1]
Käldeeh
[mute | mute käldee]- ↑ a â b Tunturi-Kiekko tunturikiekko.fi. Čujottum 24.4.2025. (suomâkielân)