Vyeimi (fyysiik)

Vyeimi (läättinkielân fortis, tubdâldâh F) lii fysiikâst vuáruvaikuttâs styeresvuođâ kovvejeijee vektorstuárus. SI-vuáháduvvâst vyeimi ohtâdâh lii Newton já ohtâduv tubdâldâh N. SI-vuáháduv vuáđuohtâdâhhân Newton lii ${\text{N}}={\frac {{\text{kg}}\cdot {\text{m}}}{{\text{s}}^{2}}}$.

Káppálâhân čyeccee olesvyeimi muttáá káppáluv jototile. Newton II laavâ mieldi staađâvyemi ${\bar {F}}$ addeel káppálâhân, mon massa lii $m$, jođálmemvuođâ ${\bar {a}}$ nuuvt, ete ${\bar {F}}=m{\bar {a}}$.

Puoh vyemih čuávuh káppáluvâi koskâsâš vuáruvaikuttâsâst. Newton III laavâ mieldi kyevti káppáluv vuáruvaikuttâsâst kuábbááš-uv káppálâh čuácá nuubán siámmáá styeres, mut vyestikevâdis vyeimi.

Makroskooppisâš káppálâhân vaaigutteijee vyemih puáhtá jyehiđ kyevti juávhun: kuoskâttâs- já káidusvyeimin. Kuoskâttâsvyeimih, tego kaco já tuuvdâvyeimih tiettuh, ko káppáluvah kuoskâtteh nubijdis. Káidusvyeimih, ovdâmerkkân gravitaatio já šleđgâ- já magneetvyeimih vuod vaigutteh kukken já toi sirdejeijen tuáimih ereslágán kiedih. Aatoomfyysiik lii kuittåg-uv čáittám, ete puoh kuoskâttâsvyemih čuávuh šleđgâmagneetlâš vuáruvaikuttâsâst.