Tomatina
_-_Spain,_Bu%C3%B1ol_08.jpg)
Tomatina lii juhle, mii uárnejuvvoo ain porgemáánu majemuu koskoho Buñol siijdâst Valencia eennâmkoddeest Nuorttâ-Espanjast. Juhleest ulmuuh kaškeh nubijdis tomattijguin oovtâ tiijme. Juhle šoodâi ive 1945, máhđulávt páihálij párnái purrâmušsuáđi tiet.[1]
Tomatina-juhle álgá tijme 11 Palo Jabón -kištoin, mast juhlooh irâtteh kuárŋuđ kuhes stáágu mield pajas já kočâttiđ piärgupitá ton keejist. Stággu lii vuoidum, nuuvt ete ulmuuh kalgeh kuárŋuđ nubijdis oolâ, vâi sij luhostuuččii.[1]
Toomaattuáru álgá tijme 12, kuás kyermiautoh pyehtih tomattijd siijdâ kuávdážân. Kuosijn lii ohtâ tijme äigi ivniđ nubijdis já Buñol kááđuid ruopsâdin. Juhle várás šoddâduvvojeh 120 000 kiillud tomatteh Extremadura jiešhaldâšemkuávlust Uárji-Espanjast. Taah tomatteh iä lah purâtteijeeh.[1]
Maaŋgâ uásálistest láá vuoijâmlaasah teikâ piäivášlaasah čoolmij syeijin. Siijdâ kävppijâsah vist syeijejeh jieijâs kaavpijd stuorrâ lastiksuojijguin. Tuáru maŋa puáluautoh čorgejeh kááđuid čassijn.[1]
Juuhlán tarbâšuvvoo lippu. Liipuh láá vyebdimnáál suulân 22 000 pittád. Kyesih puátih pirrâ Espanja já maailm. Ovdil ive 2013 kyesih sattii leđe paijeel 40 000, mutâ talle Buñol váldustivrâ meridij raijiđ uásálistei mere. Suulân 9 500 ulmuu siijdâst 7 500 lippud láá väridum páiháláid ulmuid.[1]
Ive 2021
[mute | mute käldee]Ive 2021 juhle ij uárnejum koronapandemia keežild.[2]
Ive 2025
[mute | mute käldee]Juhle uárnejui porgemáánu 27. peeivi. Teeman lâi ”tomaterapia”, mii čuujoot ihán 2024, kuás 228 olmožid jammii tuulvijn Valenciast.
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Tomatina.
- Virgáliih nettisiijđoh (eŋgâlâskielân)
Käldeeh
[mute | mute käldee]- ↑ a â b c č Valkeapolku, Valtteri: Porgemáánu majemuš koskokko lii toomaatruopsâd Espanja Buñolist anarasaavis.fi. 2.9.2025. Čujottum 2.9.2025.
- ↑ Buñol suspende La Tomatina 2021 Ayuntamiento de Bunyol. 11.3.2021. Čujottum 2.9.2025. (espanjakielân)