Thutmosis II
Thutmosis II lâi Egypt faarao. Sun haldâšij Egypt 18. dynastia ääigi. Thutmosis II lâi Tutankhamon madâreeči.[1]
Eellim
[mute | mute käldee]Thutmosis II haldâšij Egypt 18. dynastia ääigi. Suu muumio kavnui ive 1881 Deir el-Bahri hävdikámárist, mii lii Niili viestârrido peln Luxor kaavpug alda.[2] Thutmosis II kálgu Hatšepsut šoodâi faaraon forgâ kállás jäämmim maŋa.[3]
Hävdi
[mute | mute käldee]Thutmosis II hävdi kavnui Luxor kaavpug já Kunâgâsâi leevi viestârbeln ive 2025.[4][5][6] Häävdi siisâjoto já válduvázáttâh kávnojii jo ive 2022. Vistig totkeeh arvâlii, et hävdi kulâččij kiännii faarao káálgun, tastko kávnus alda lijjii faarao Thutmosis III káálgui hävdi sehe kunâgâtâr Hatšepsutân kullee hävdi. Hatšepsut lâi Thutmosis II kálgu já peliuábbi. Tutkâmušâid hettejii meiddei tot, et häävdist lâi tulvâm, sehe tot, et hävdi lâi masa kuárus. Totkeeh liijká kavnii motomijd littepittáid, main lijjii Thutmosis II já Hatšepsut noomah já eres tiäđuh. Toh čujotteh meid toos, ete Hatšepsut toimâttij kállás háávdánsivnedem.[3]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Thutmosis II.
Käldeeh
[mute | mute käldee]- ↑ Thutmose II: Last undiscovered tomb of Tutankhamun dynasty found www.bbc.com. 19.2.2025. Čujottum 11.3.2025. (eŋgâlâskielân)
- ↑ Habicht, M.E; Bouwman, A.S & Rühli, F.J: Identifications of ancient Egyptian royal mummies from the 18th Dynasty reconsidered. Yearbook of Physical Anthropology, 2016, nr 159 (S61), s. 216–231. PubMed:26808107. doi:10.1002/ajpa.22909.
- ↑ a â Valkeapolku, Valtteri: Faarao Thutmosis II hävdi lii kavnum Egyptist – muumio jieš kavnui jo ive 1881 anarasaavis.fi. 12.3.2025. Čujottum 12.3.2025.
- ↑ Egyptissä löydettiin faarao Thutmosis II:n hauta Yle Uutiset. 19.2.2025. Čujottum 12.3.2025. (suomâkielân)
- ↑ Shawkat, Ahmed: Egypt announces first discovery of a royal tomb since King Tutankhamun's was found over a century ago CBS News. 19.2.2025. Čujottum 12.3.2025. (eŋgâlâskielân)
- ↑ Thutmose II’s tomb is Egypt’s biggest archaeological discovery since 1922 Al Jazeera. Čujottum 12.3.2025. (eŋgâlâskielân)