Suomâ kuávluvaaljah
Suomâ kuávluvaaljah láá vaaljah, main väljejuvvojeh airâseh Suomâ pyereestvaijeemkuávlui stivráid, moh merideh pyereestvaijeemkuávlui sosiaal- já tiervâsvuotâpalvâlusâi sehe kááijumtooimâ orniimist.[1]
Helsigist kuávluvaaljah iä uárnejuu, tastko uáivikaavpugist ij lah pyereestvaijeemkuávlu teikkâ kuávlustivrâ, pic kaavpug västid sosiaal- já tiervâsvuotâpalvâlusâin sehe kááijumtooimâ orniimist.[1] Siämmáá suujâ tiet kuávluvaaljah iä uárnejuu meidgin Åland eennâmkoddeest.[2]
Jienâstemvuoigâdvuotâ
[mute | mute käldee]Kuávluvaaljâin jjienâstemvuoigâdvuotâ lii Suomâ, eres EU-jeessânstaatâi sehe Island já Taažâ aalmugjesânijn, kiäh ääsih pyereestvaijeemkuávlust já kiäh láá tiävdám 18 ihheed majemustáá vaaljâpeeivi. Ton lasseen kuávluvaaljâin uážžuh jienâstiđ tiätu iävtuiguin eres-uv olgoeennâmliiih, kiäh ääsih pyereestvaijeemkuávlust. Helsiglijn já Åland eennâmkode ässein ij lah jienâstemvuoigâdvuotâ.[3]
Historjá
[mute | mute käldee]Ive 2025 ovdâskulij Suomâ kieldâ- já kuávluvaaljah uárnejuvvojeh ain oovtâst jyehi niäljád ive. Jienâsteijee puáhtá jienâstiđ jieijâs päikkikieldâ tâi pyereestvaijeemkuávlu iävtukkâsâid. Iävtukkâs puáhtá leđe iävtukkâssân sehe kuávlu- já kieldâvaaljâin, teikkâ tuše kuávluvaaljâin tâi tuše kieldâvaaljâin. Siämmáá iävtukkâsâst lii kieldâvaaljâin eres iävtukkâsnummeer ko kuávluvaaljâin.[1]
Kuávluvaaljah 2025
[mute | mute käldee]- Válduartikkâl: Suomâ kuávluvaaljah 2025
Ive 2025 kuávluvaaljâi munejienâstem aalgij cuáŋuimáánu 2. peeivi. Munejienâstem lâi máhđulâš 2.–8.4.2025 Suomâst já 2.–5.4.2025 olgoenâmijn. Muuneeld puovtij jienâstiđ mon peri munejienâstemsaajeest Suomâst tâi olgoenâmijn. Eidusâš vaaljâpeivi lâi pasepeivi 13. peivi cuáŋuimáánust. Vaaljâpeeivi puovtij jienâstiđ tuše jieijâs jienâstemsaajeest, mii meriduvvoo jienâsteijee aassâmpääihi mield.[1][4]
Ive 2025 kuávluvaaljâin lijjii suullân 10 000 iävtukkâssâd. Munejienâi rekinistem aalgij vaaljâpeeivi ađai cuáŋuimáánu 13. peeivi tijme 10, já tast västidij kuávdášvaaljâlävdikodde. Vaaljâpeeivi adelum jienâi rekinistem aalgij jienâstemsaajeest tállán ko jienâstemsajeh monnii kiddâ tijme 20. Talle almottuvvojii meid munejienâi puátuseh.[1][4]
Käldeeh
[mute | mute käldee]- ↑ a â b c č Schreck, Jasmina: Kieldâ- já kuávluvaaljâi munejienâstem lii álgám anarasaavis.fi. 3.4.2025. Čujottum 3.4.2025.
- ↑ HE 241/2020 finlex.fi. Čujottum 3.4.2025. (suomâkielân)
- ↑ Äänioikeus ja äänioikeusrekisteri vaalit.fi. Čujottum 3.4.2025. (suomâkielân)
- ↑ a â Martikainen, Annika: Tämä sinun kannattaa tietää alue- ja kuntavaaleista Yle Uutiset. 28.3.2025. Čujottum 3.4.2025. (suomâkielân)