Suomâ kieldâvaaljah
Suomâ kieldâvaaljah láá vaaljah, main väljejuvvojeh airâseh kieldâstivráid, moh merideh ovdâmerkkân škovliimist já arâšoddâdmist, huksimvakšuumist, luodâi paijeentolâmist, kulttuur- já lihâdempalvâlusâin sehe čäci- já pasâttâshuolâttâsâst.[1]
Jienâstemvuoigâdvuotâ
[mute | mute käldee]Kieldâvaaljâin jjienâstemvuoigâdvuotâ lii Suomâ, eres EU-jeessânstaatâi sehe Island já Taažâ aalmugjesânijn, kiäh ääsih kieldâst já kiäh láá tiävdám 18 ihheed majemustáá vaaljâpeeivi. Ton lasseen kieldâvaaljâin uážžuh jienâstiđ tiätu iävtuiguin eres-uv olgoeennâmliiih, kiäh ääsih kieldâst.[2]
Historjá
[mute | mute käldee]Ive 2025 ovdâskulij Suomâ kieldâ- já kuávluvaaljah uárnejuvvojeh ain oovtâst jyehi niäljád ive. Jienâsteijee puáhtá jienâstiđ jieijâs päikkikieldâ tâi pyereestvaijeemkuávlu iävtukkâsâid. Iävtukkâs puáhtá leđe iävtukkâssân sehe kuávlu- já kieldâvaaljâin, teikkâ tuše kuávluvaaljâin tâi tuše kieldâvaaljâin. Siämmáá iävtukkâsâst lii kieldâvaaljâin eres iävtukkâsnummeer ko kuávluvaaljâin.[1]
Kieldâvaaljah 2025
[mute | mute käldee]- Válduartikkâl: Suomâ kieldâvaaljah 2025
Ive 2025 kieldâluvaaljâi munejienâstem aalgij cuáŋuimáánu 2. peeivi. Munejienâstem lâi máhđulâš 2.–8.4.2025 Suomâst já 2.–5.4.2025 olgoenâmijn. Muuneeld puovtij jienâstiđ mon peri munejienâstemsaajeest Suomâst tâi olgoenâmijn. Eidusâš vaaljâpeivi lâi pasepeivi 13. peivi cuáŋuimáánust. Vaaljâpeeivi puovtij jienâstiđ tuše jieijâs jienâstemsaajeest, mii meriduvvoo jienâsteijee aassâmpääihi mield.[1][3]
Ive 2025 kieldâvaaljâin lijjii suullân 30 000 iävtukkâssâd. Munejienâi rekinistem aalgij vaaljâpeeivi ađai cuáŋuimáánu 13. peeivi tijme 10, já tast västidij kuávdášvaaljâlävdikodde. Vaaljâpeeivi adelum jienâi rekinistem aalgij jienâstemsaajeest tállán ko jienâstemsajeh monnii kiddâ tijme 20. Talle almottuvvojii meid munejienâi puátuseh.[1][3]
Käldeeh
[mute | mute käldee]- 1 2 3 4 Schreck, Jasmina: Kieldâ- já kuávluvaaljâi munejienâstem lii álgám anarasaavis.fi. 3.4.2025. Čujottum 3.4.2025.
- ↑ Äänioikeus ja äänioikeusrekisteri vaalit.fi. Čujottum 3.4.2025. (suomâkielân)
- 1 2 Martikainen, Annika: Tämä sinun kannattaa tietää alue- ja kuntavaaleista Yle Uutiset. 28.3.2025. Čujottum 3.4.2025. (suomâkielân)