Saia Stueng
| Saia Marilena Stueng | |
|---|---|
| |
| Šoddâm | uđđâivemáánu 13. peeivi 1993 Kárášjuuhâ |
| Pargo | |
| Áámmát | kirjálâšvuođâ totkee kirječällee |
| Noomah | Saia Stueng Saia Marilena Stueng |
| Kirjálâšvuođâ šlaajâ | nuorâikirjálâšvuotâ |
| Kielâ | orjâlâškielâ
|
Saia Marilena Stueng (š. uđđâivemáánu 13. peeivi 1993 Kárášjuuhâ[1]) lii tavesämmilâš kirjálâšvuođâ totkee já kirječällee. Sun čáálá orjâlâškielân.
Eellim
[mute | mute käldee]Saia Marilena Stueng šoodâi uđđâivemáánu 13. peeivi 1993 Kárášjuuvâst, kost sun meiddei rávásmij.
Iivij 2014 já 2016–2018 sun luuvâi ei. sämmilii kirjálâšvuođâ Tromsa ollâopâttuvâst. Iivij 2015–2017 Stueng uásálistij Säämi kirječällei seervi já Säämi taaidârrääđi ornim sämikielâg Čális fal! -čäällimkuursân. Čuávuváá ive sun valmâštui Tromsa ollâopâttuvâst maisterin. Ive 2022 sun algâttij náguskirjetotken Säämi ollâškoovlâst.
Karrieer
[mute | mute käldee]Stueng vuossâmuš nuorâikirje, Hamburgerprinseassa, almostui ive 2017.[2] Vuossâmuš riäntus vuobdui jotelávt loopân. Tot lii uáli jo epitáválâš sämikielâg kirjijd. Hamburgerprinseassa-kirjerááiđu nubbe uási, Eallá dušše oktii, almostui ive 2023.[3] Eallá dušše oktii lâi iävtukkâssân ive 2024 Tave-enâmij rääđi párnái- já nuorâikirjálâšvuotâpalhâšumán.[4]
Saia Stueng váldupargon lii totkee pargo, já kirjálâšvuođâ čäällim lii sunjin rähis äigiájánâs.[5]
Pargo
[mute | mute käldee]Tassaažân suu kirjeh láá jurgâlum tárukielân já anarâškielân. Stueng vuossâmuu kirje lii jurgâlâm anarâškielân Neeta Jääskö noomáin Hamburlâšprinses. Tot almostui kesimáánu 17. peeivi 2025.[5]
Stueng kirjeh eres kieláid
[mute | mute käldee]- 2019 – Hamburgerprinsessa, tárukielân jurgâlâm Ánne-Márjá Guttorm Graven[6]
- 2024 – Skjebnetid, tárukielân jurgâlâm Lill Hege Anti[7]
- 2025 – Hamburlâšprinses, anarâškielân jurgâlâm Neeta Jaasko[5]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Saia Stueng.
Käldeeh
[mute | mute käldee]- ↑ Fredriksen, Lill Tove: Saia Marilena Stueng Store norske leksikon. Čujottum 8.4.2025. (kirjetárukielân)
- ↑ a â Hamburgerprinseassa Finna. Čujottum 27.10.2024. (tavesämikielân)
- ↑ a â Eallá dušše oktii Finna. Čujottum 27.10.2024. (tavesämikielân)
- ↑ Saia Stueng Tave-enâmij rääđi. Čujottum 27.10.2024. (kirjetárukielân)
- ↑ a â b Olthuis, Marja-Liisa: Saia Stueng nuorâiroomaan Hamburlâšprinses lii almostum anarâškielân anarasaavis.fi. 17.6.2025. Čujottum 17.6.2025.
- ↑ Hamburgerprinsessa Biblioteksøk. Čujottum 28.10.2024. (kirjetárukielân)
- ↑ Skjebnetid Biblioteksøk. Čujottum 28.10.2024. (kirjetárukielân)