Ruth Rye Josefsen
_(cropped).jpg)
Ruth Rye Josefsen (j.s. Henriksen[1][2], ovdil Rye; syeinimáánu 27. peeivi 1923 Sørelvdalen, Rafsbotn, Taažâ – skammâmáánu 20. peeivi 2008 Alta, Taažâ) lâi sämmilâš politikkár já aktivist.
Eellim
[mute | mute käldee]Ruth Henriksen šoodâi Rafsbotn Sørelvdalenist Taažâ peln, kost sun meiddei rávásmij.[2] Suu eeči lâi Johan Martin Henriksen (1898–1968) já suu enni Ida Gurine Henriksen (j.s. Nilsen; 1901–1989).[1] Ruth lâi sunnuu vuosâpärni.[3] Suu maŋa šoddii vala kuttâ párnáá.[3]
1940-lovvoost Ruth kaartâi evakkon Altast. Ive 1946 sun já Odd Harry Rye čälittáin kulluuttâs, mon maŋa suoi naajáin.[4] Heejâi maŋa Ruth varrij suu uđđâaalmaa päikkikieldân Sørfoldân.[2] Sunnui šoddáin kyehti párnáá.[2][4] Tuše čiččâm ive heejâi maŋa suu käälis jaamij muotâvierâmist.[2][4] Tastmaŋa Ruth já sunnuu párnááh värrejii suu suuvâ luusâ Altan.[2]
Ive 1958 Ruth já rafnbotnlâš suuvdár Håkon Josefsen čälittáin kulluuttâs já te naajáin.[5] Sunnui šoddii kulmâ párnáá.[2]
Karrieer
[mute | mute käldee]Čohčuv 1989 uárnejuvvojii Taažâst vuossâmuuh sämitiggevaaljah, main sun väljejui sämitiggeairâsin Taažâ sämmilij riijkâseervi Alta/Kvalsund vaaljâpirrâduv iävtukkâssân. Sun lâi sämitiggeest iivij 1989–1993.[6][7]
Josefsen nieidâ Eva Josefsen lii meiddei politikkár, kii lâi iivij 1997–2001 sämitiggeaairâs.[6]
Käldeeh
[mute | mute käldee]- 1 2 Ruth Rye Josefsen (Henriksen) (1923 - 2008) geni.com. Čujottum 31.3.2026. (eŋgâlâskielân)
- 1 2 3 4 5 6 7 Hestvik, Arne S.: Røde Ruth. Altaposten, 26.7.2003, 35. ihekerdi, nr 169, s. 17. Artikkâl nettiversio Čujottum 31.3.2026. (kirjetárukielân)
- 1 2 Mjøen, Jarle: Ruth Rye Josefsen. Altaposten, 27.11.2008, 40. ihekerdi, nr 277, s. 22. Artikkâl nettiversio Čujottum 31.3.2026. (kirjetárukielân)
- 1 2 3 Dødsfall. Nordlands Framtiden, 13.4.1955, 42. ihekerdi, nr 83, s. [5]. Artikkâl nettiversio Čujottum 31.3.2026. (kirjetárukielân)
- ↑ Personalia. Tromsø, 21.6.1958, 61. ihekerdi, nr 139, s. 4. Artikkâl nettiversio Čujottum 31.3.2026. (kirjetárukielân)
- 1 2 Boine, Elfrid, Johansen, Siri Broch já Lund, Svein (toim.): ”Ruth, Eva ja Irja Marie Josefsen: Golbma buolvva oahppin Álttás”, Sámi skuvlahistorjá 1. Davvi Girji, 2005. Tyeje nettiversio Čujottum 31.3.2026. (orjâlâškielân)
- ↑ Pedersen, Wenche: — NSR ved en skilleveg. Finnmarken, 12.10.1989, 90. ihekerdi, nr 236, s. 12. Artikkâl nettiversio Čujottum 31.3.2026. (kirjetárukielân)