Red Sebastian
| Seppo Herreman | |
|---|---|
.jpg)
| |
| Persovntiäđuh | |
| Šoddâm | vyesimáánu 13. peeivi 1999 |
| Šoddâmsaje | Ostend, Belgia |
| Aalmugjeessânvuotâ |  Belgia
|
| Musikkár | |
| Artistnommâ | Red Sebastian |
| Lávlumkielah | eŋgâlâskielâ |
| Aktiivlâžžân | 2019– |
| Genreh | elektropop |
| Čuojânâsah | piano |
| Skiärrufinnodâh | CNR Records
|
| Lasetiäđuh | |
| Päikkisijđo | redsebastian.be |
Seppe Guido Yvonne Herreman (š. vyesimáánu 13. peeivi 1999 Ostend, Belgia) lii belgialâš lávloo-laavlârähtee. Sun lii tobdos meiddei artistnoomáin Red Sebastian.[1] Ive 2025 sun vuoitij Eurosong eŋgâlâskielâg pitáinis Strobe Lights, já nuuvtpa sun ovdâstij Belgia ive 2025 Euroviisuin Baselist Sveeicist, mut ij peessâm finalân.[1][2][3]
Eellim
[mute | mute käldee]
Seppe Guido Yvonne Herreman šoodâi vyesimáánu 13. peeivi 1999 Ostendist Belgiast. 9-ihásâžžân Herreman čuojâtškuođij piano já muáddi ive maŋeláá sun máttááttâlškuođij lávlum muusikškoovlâst Casa da Musica Ostendist.[4] Ive 2013 14-ihásâš Herreman uásálistij Belgium's Got Talent -kišto nube pajan. Sun peesâi finalân Christina Aguilera pittáin Ain't No Other Man, mut ij vuáittám.
Škovlim
[mute | mute käldee]Luvâttuv maŋa Herreman luvâškuođij lávlum Ghent kovetaiđui kunâgâslii akatemia konservatoriost. Tobbeen suu máttáátteijen láin ei. Gustaph, kote ovdâstij Belgia ive 2023 Euroviisuin, já vuáládâheennâmlâš lávloo Ibernice MacBean.[5]
Karrieer
[mute | mute käldee]Ive 2019 Herreman kevtiškuođij Red Sebastian artistnommânis. Sun valji tom, tastko párnážin sun lâi Uccâ merânieidii já nuottiis Sebastian-rapu stuorrâ fani.[6]
Red Sebastian vuosâalbum You almostui ive 2021. Siämmáá ive tast almostuvvii meiddei kulmâ single: Embrace Me, Fading Away já Some Kinda Way. Ive 2024 Herreman uásálistij VTM Sing Again -kiišton. Tast sun peesâi finalân Queen pittáin The Show Must Go On, mut ij vuáittám.
Ive 2025 sun uásálistij Eurosong-lávlumkiišton já peesâi finalân, mast lijjii ohtsis käävci lávlod. Herreman láávlui eŋgâlâskielâg pittáás Strobe Lights, mii lii kunneečujottem Belgia ravekulttuurân.[1] Finalist sun finnij 132 čyegisid rääđist já 291 čyegisid aalmugjienâstmist ađai ohtsis 423 čyegisid, já nuuvtpa sun vuoitij ubâ kišto.[1] Eurosong 2025 vuáitu áánsust Herreman ovdâstij Belgia ive 2025 Euroviisuin Baselist Sveeicist. Belgia lâi vuossâmuu semifinalist, mii uárnejui vyesimáánu 13. peeivi 2025 ađai Herreman šoddâmpeeivi. Veikkâ Red Sebastian lâi ohtâ kievrâmuin vyeitteeiävtukkâsâin, sun ij kuittâg peessâm finalân.[3]
Diskografia
[mute | mute käldee]Albumeh
[mute | mute käldee]EP:h
[mute | mute käldee]- 2023 – Bedroom Secrets
Singleh
[mute | mute käldee]- 2021 – Embrace Me
- 2021 – Fading Away
- 2021 – Keep Going Back to You
- 2021 – Some Kinda Way
- 2021 – You
- 2023 – Letting Go
- 2023 – Soft Suede
- 2023 – Appetite
- 2024 – In Your Eyes
- 2025 – Strobe Lights
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Red Sebastian.
Käldeeh
[mute | mute käldee]- ↑ a â b c Red Sebastian will represent Belgium at the Eurovision Song Contest in Basel with 'Strobe lights' VRT. 1.2.2025. Eurovision.tv. Čujottum 11.5.2025. (eŋgâlâskielân)
- ↑ 'Strobe Lights' by Red Sebastian is Belgium's song for Eurovision 2025 EBU. 2.2.2025. Eurovision.tv. Čujottum 3.2.2025. (eŋgâlâskielân)
- ↑ a â Karjalainen, Elina: Ennakkosuosikin putoaminen järkyttää viisufaneja – ”Totaalinen farssi” Ilta-Sanomat. 14.5.2025. Čujottum 14.5.2025. (suomâkielân)
- ↑ Deelnemers 'Eurosong 2025': wie is Red Sebastian? songfestival.be. January 2025-01-21. Čujottum 11.5.2025. (hollandkielân)
- ↑ Red Sebastian EBU. Eurovision.tv. Čujottum 11.5.2025. (eŋgâlâskielân)
- ↑ Tranen van ontroering, brief van 1e Vlaamse die deelnam aan Songfestival en vette beats: dit was voorronde 2 van 'Eurosong 2025' VRT. 25.1.2025. Čujottum 11.5.2025. (hollandkielân)
