Nuárju

Nuárju Pusa hispida (Schreber, 1775)
Tile	LC (eellimvuáimálâš)
Tile Suomâst	EN (tuođâlávt uhkevuálásâš)
Tieđâlâš luokittâllâm
Doomeen	Sellâvááimusliih Eucarya
Kodde	Elleekodde Animalia
Uáiviráiđu	Savosuonâsiih Chordata
Vyeliráiđu	Čielgitávtáliih Vertebrata
Luokka	Njomâtteijeeh Mammalia
Lahko	Piätuelleeh Carnivora
Vyelilahko	Caniformia
Hiäimu	Nuárjuh Phocidae
Suuhâ	Pusa
Šlaajâ	hispida

Nuárju (Pusa hispida ovdil Phoca hispida) lii uccâ nuárjušlaajâ, mii iälá tavekuávluin já lassaan jieŋâ alne.

Vyelišlaajah

Nuárju lavdâm

Jieškote-uvlágánijn kuávluin iälusteijee nuárjupopulaatioh láá nelji:

• Pusa hispida hispida: Euroop arktisâš ridoh, Ruoššâ, Kanada já Alaska, meid Novaja Zemlja, Čokkeväärih, Ruánááeennâm já Baffinsuálui
• Pusa hispida ochotensis: Kamtšatka njargâeennâm, Ohotameerâ já máádás 35°N -kobdodâhkiärdu räi Jaapaan Kuálhismeerâ-ridoi miätá
• Pusa hispida botnica ađai nuorttâmerânuárju: Tave-Nuorttâmeerâ, Merâpoođâ, Suomâluohtâ já Riikaluohtâ
• Pusa hispida ladogensis ađai laatokkanuárju: Laatokka

Tolebáá meid Saimaast ässee saimaanuárju (Pusa saimensis) miäruštâllui nuárju vyelišlaaijân, mutâ uđđâ tutkâmušâi vuáđuld tot tubdâstui jieijâs šlaaijân. Saimaanuárju lii tuođâlávt uhkevuálásâš.

Nuorttâmerânuárju já laatokkanuárju eelih sierriimist nubijnis. Toh láá jieŋâpaje áigáliih relikteh, moh mákkojeh saivâčääsist já merâsaaivâst. Tain ij lah geenimolsom eres vyelišlajâiguin.