Ponjemiestâčuovjissuájá
| Ponjemiestâčuovjissuájá Celastrina argiolus |
|
|---|---|
 |
|
| Tile Suomâst | LC (eellimvuáimálâš)[1] |
 |
|
Tieđâlâš luokittâllâm |
|
| Luokka | Tivreh Insecta |
| Lahko | Piäivááloddááh Lepidoptera |
| Vyelilahko | Glossata |
| Pajehiäimu | Peivipiäivááloddááh Papilionoidea |
| Hiäimu | Čuovjissuájásiih Lycaenidae |
| Suuhâ | Celastrina |
| Šlaajâ | argiolus |
Ponjemiestâčuovjissuájá (Celastrina argiolus teikâ Papilio argiolus) lii holarktisii kuávlust tiättojeijee čuovjissuájásij šlaajâ.[1] Tot lii kirdemääigis peeleest Suomâst čielgâsávt tolemus čuovjissuájásâš šlaajâ.
Ive 2017 ponjemiestâčuovjissuájá väljejui Suomâ aalmuglâšpiäiváálodážin.[2]
Stuárudâh já olgohäämi
[mute | mute käldee]
_-_Celastrina_argiolus_-_Havr%C3%A9_(2).JPG)
Orráás suájáh láá paajeeld šiälgoo čuovjâdeh, suájái roobdâin láá čapis kezis stielâseh. Niŋálâs suájáh láá paajeeld čuovjâdeh; suájái roobdâin lii kubdâ tevkisruškis stielâs, já monnjâsuájái olgoroobdâst láá ain čapis tiälhuh. Suájái vyelipeleh láá kuovgisránáseh, já tain láá čapis tiälhuh. Suájákoskâ lii 21–32 mm.[1]
Lavdâm
[mute | mute käldee]Ponjemiestâčuovjissuájá tiättoo jyehi saajeest Euroopist, eromâšávt Eŋlandist, Ranskaast já Vuáládâhenâmijn, mut meiddei Skandinaviast. Tot ij kuittâg tiettuu aaibâs puoh tavemuin kuávluin tego Tave-Laapist. Meiddei Tave-Amerikist, Maadâ-Koreast já Japanist láá viehânáál áiccuseh.[3]
Eellimpiirâs já eellimtäävih
[mute | mute käldee]Ponjemiestâčuovjissuájá eellimpirrâseh láá puohlágáneh meecih, meiddei niijtoh, kärreeh, muorâstuvah já muorâkäärdih, kost láá om. poijuuh. Kiivsah kevttih purrâmâššân ponjemiestuid já motomin meid jierehijd já soorijd. Ponjemiestâčuovjissuájá tálvástâl kuáttin.[4][5]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ponjemiestâčuovjissuájá.
Käldeeh
[mute | mute käldee]- ↑ a â b Jalava, Harri: Paatsamasinisiipi – Celastrina argiolus Laji.fi. 2019. Čujottum 7.6.2025. (suomâkielân)
- ↑ Ristmeri, Aliisa: Paatsamasinisiipi äänestettiin Suomen kansallisperhoseksi – ”pieni mutta sisukas” Helsingin Sanomat. 14.6.2017. Čujottum 7.6.2025. (suomâkielân)
- ↑ Celastrina argiolus (Linnaeus, 1758) Global Biodiversity Information Facility. Čujottum 7.6.2025. (eŋgâlâskielân)
- ↑ Luoto, Leena: Paatsamasinisiipi Celastrina argiolus Ötökkätieto. Čujottum 7.6.2025. (eŋgâlâskielân)
- ↑ Paatsamasinisiipi Celastrina argiolus Luontoportti. Čujottum 7.6.2025. (suomâkielân)