Pivtâsmuocâ

Wikipedia:st
Pivtâsmuocâ
Tineola bisselliella
(Hummel, 1823)
Tieđâlâš luokittâllâm
Doomeen Sellâvááimusliih Eucarya
Kodde Elleekodde Animalia
Uáiviráiđu Lođâsjuálgásiih Arthropoda
Vyeliráiđu Kuuđâjuálgásiih Hexapoda
Luokka Tivreh Insecta
Lahko Piäivááloddááh Lepidoptera
Vyelilahko Glossata
Hiäimu Muosah Tineidae
Vyelihiäimu Tineinae
Suuhâ Tineola
Šlaajâ bisselliella

Pivtâsmuocâ (Tineola bisselliella) lii fiskájeijee piäivááloddááš. Suomâst tot tiättoo aainâs-uv maadâ- já koskâoosijn.[1]

Olgohäämi[mute | mute käldee]

Pivtâsmuosâ roppâ lii 6–7 mm kukkosâš, já ton suájákeejij koskâ lii 9–16 mm[2] (táválávt 12–14 mm[3]).

Eellimkiärdu[mute | mute käldee]

Niŋálâs mannee tärkkilávt väljejum sajan, mii lii rahtum ulloost, čeevđist, ráánust tâi mast peri elleekoddeest vuálgulâš materiaalist. Saje kalga leđe sevŋâd, ko suoksâ ij killáá čuovâ ollágin. Saje kalga leđe meiddei suáijáá, sajestis pissoo já rávhálâš. Tot kalga leđe še uáli tolmiš, ko suoksâ taarbâš valjeest raavvâd tállán šoddâmis maŋa, vâi tot vajaččij panneeđ jieijâs pirrâ syeijejeijee poccee.[4][5]

Tobbeen suoksâ lii syejeest čuovâst já piäsá jotteeđ kággást raavâdsááiguid ucâmin. Taat suoksâmuddo lii puoh varâlumos kägisamnâsáid. Suovsâ maŋŋaal pääcih nyevih, viermikođos já poškâpááluh. Toi iivne vuáđuld puáhtá miäruštâllâđ mon ivnásijd amnâsijd tot lii puurrâm.[4][5]

Ko suoksâ lii tuárvi stäjidâm kägismateriaal, te tot sirdâšuvá čuávvoo hämimolsommuudon ađai skuáppuluvá. Ko puátteš suhâpuolvâ lii šoddâm, te oppeet uáinojeh rävis muosah kiirdâšmin já paarâ ucâmin. Tuákástâllâm já monnim tábáhtuvá siämmáá saajeest nuuvt kuhe ko raavâd keelijd puáttee suhâpuolvân. Tondiet pilletivrij vijđánem uđđâ čuosáttuvváid lii táválávt hiđes.[4][5]

Fáádást eres soojijn[mute | mute käldee]

Käldeeh[mute | mute käldee]

  1. Tineola bisselliella | Yleiskuvaus | Suomen Lajitietokeskus laji.fi. Čujottum 28.9.2022. (suomâkielân)
  2. 11. TINEIDAE | Kleine Vlinders www.kleinevlinders.nl. Čujottum 28.9.2022. (eŋgâlâskielân)
  3. Tineola bisselliella bugguide.net. Čujottum 28.9.2022. (eŋgâlâskielân)
  4. 4,0 4,1 4,2 Mattus, Ilmari: Muosah. Anarâš-kalender 2011, 2011. Anarâškielâ servi ry.
  5. 5,0 5,1 5,2 Vaatekoi Hyönteismaailma. Čujottum 28.9.2022. (suomâkielân)