Petter Morottaja
| Petter Morottaja | |
|---|---|
| Šoddâm | syeinimáánu 11. peeivi 1982 Aanaar |
| Pargo | |
| Instituut | Oulu ollâopâttâh |
| Tutkâmfáddá | anarâškielâ |
| Peerâ | |
| Vanhimeh | Matti Morottaja |
Petter Morottaja teikkâ Kuobžâ-Saammâl Maati Petter (š. syeinimáánu 11. peeivi 1982, Aanaar, Suomâ) lii anarâš kielâtieđâldeijee, kielâtotkee, máttáátteijee, kirječällee já toimâtteijee.
Eellim
[mute | mute käldee]Petter Morottaja šoodâi syeinimáánu 11. peeivi 1982 Anarist. Suu eeči lii Matti Morottaja, já suu viiljah lává musikkár Mikkâl Morottaja já máttáátteijee Saammâl Morottaja. Sun lii luuhâm ollâopâttuvâst anarâškielâ, suomâkielâ já psykologia. Sun áásá Helsigist mut parga Oulu ollâopâttuvâst anarâškielâ máttáátteijen.[1] Sun valmâštui anarâškielâ maisterin Oulu ollâopâttuvâst ive 2016 pro gradu -tuđhâlmáin Anarâškielâ vokalij kvalitetnubástusâi myensteristem kielâtekno morfologisii analysaattorist.[2] Sun lii čälimin tuáhtárnáguskirje, mon fáddán lii anarâškielâ suárgusij morfofonologia já produktivlâšvuotâ.[3]
Kirjálâš pargo
[mute | mute käldee]Petter Morottaja almostitij vuosmuu kirjees Suábi maainâs ko sun lâi 17-ihásâš. Sun tooimâi uáivitoimâtteijen Kierâš-nommâsii nettiloostâst iivij 2007–2011 já Anarâš-loostâst iivij 2019–2020. Ton lasseen sun lâi nubben toimâtteijen Kyelisieidi maccâm já eres novelleh -nooveelčuágálduvâst.
Almostitmeh
[mute | mute käldee]Kirjeh
[mute | mute käldee]- 1999 – Suábi maainâs
- 2000 – Riävskánieidâ
- 2011 – Kielâkyeimi 1 tekstâkirje (Petra Kuuvain já Márjá-Liisa Olthuisáin)
- 2013 – Kielâkyeimi 1 pargokirje (Petra Kuuvain já Márjá-Liisa Olthuisáin)
- 2014 – Virkkuuvääri 1 luuhâmkirje. Čohčâ
- 2015 – Virkkuuvääri 1 luuhâmkirje. Kiđđâ
- 2015 – Tyebbin tääbbin. Ovdâmáttááttâs puđâldemkirje (Petra Kuuvain, Bigga-Helena Maggain já Tiina-Sanila Aikioin)
- 2018 – Virkkuuvääri 3 eenikielâ já kirjálâšvuotâ (Miina Seurujärvijn)
- 2022 – Inarinsaamen taivutusoppi (Márjá-Liisá Olthuisáin)
- 2023 – Virkkuuvääri 5 eenikielâ já kirjálâšvuotâ (Emilia Niemisáin já Miina Seurujärvijn)
Eres almostitmeh
[mute | mute käldee]- 2016 – Anarâškielâ vokalij kvalitetnubástusâi myensteristem kielâtekno morfologisii analysaattorist (pro gradu)
- 2018 – Overview of Inari Sámi literature (artikkâl kirjeest A writing hand reaches further / Čálli giehta ollá guhkás. Recommendations for the improvement of the Sámi literary field)
- 2021 – Methodological Implications of the Project Čyeti čälled anarâškielân, ‘One Hundred Writers for Aanaar Saami’ (Márjá-Liisá Olthuisáin, Trond Trosterudáin, Erika Katjaana Sarivaarain já Eljas Niskasáin; artikkâl kirjeest Indigenous Research Methodologies in Sámi and Global Contexts. New Research - New Voices, Vol. 11)
- 2022 – Anarâškielâ postpositioi pelni já piälán čäällim sierâ já oohtân tievâdâsâinis SIKOR-tekstâčuágálduvâst (Márjá-Liisa Olthuisáin já Fabrizio Brecciarolijn; artikkâl kirjeest Morfologi, målstrev og maskinar – Trond Trosterud {fyller | täyttää | deavdá | turns} 60!. Nordlyd Vol. 46 No. 1)
- 2022 – Archive infrastructure and spoken language corpora for Saami languages in Finland (Marko Joustein, Jukka Mettovaarain já Niko Partasáin; artikkâl kirjeest Proceedings of the 6th Digital Humanities in the Nordic and Baltic Countries Conference (DHNB 2022), Uppsala, Sweden, March 15-18)
Jurgâlusah
[mute | mute käldee]- 2011 – Lee D. Rodgers: Muštottes uárree / The forgetful squirrel (Mervi Skopetsáin)
- 2013 – Lee D. Rodgers: Saammâl já meeci kunâgâs / Sammeli and the King of the Forest
- 2014 – Lee D. Rodgers: Saammâl já juovlâlisto / Sammeli and the Christmas list
- 2014 – Lee D. Rodgers: Saammâl já vuossâmuš sierâpeivi / Sammeli and the first toyday
- 2015 – Lee D. Rodgers: Saammâl já kuoškkärigâš / Sammeli and the Dipper
- 2016 – Lee D. Rodgers: Saammâl já kozzsäplig / Sammeli and the Lemming
- 2019 – Lee D. Rodgers: Saammâl já čuoškah / Sammeli and the Mosquitoes
- 2019 – Riitta Vesala: Šip šap šapša
- 2020 – Lee D. Rodgers: Saammâl já puoidâ / Sammeli and the Stoat
- 2020 – Lee D. Rodgers: Saammâl, Stáálu já njuhčâ / Sammeli, Staalu and the Swan
- 2022 – Tuomas Mattila & Pasi Jaakonaho: Mii. Tave kuávlu algâaalmugij kulttuurân kyeskee immaterialliih vuoigâdvuođah
- 2023 – Ninka Reittu: Äigee já Sááná meecist. Vandârdemetiketmainâseh
- 2023 – Onneli Sieppi: Smietâ jieš! Mii talle tábáhtuvá?
Eres tiäđuh
[mute | mute käldee]Petter Morottaja lii porgâm Unna Junná -párnáiohjelmist ohtân anarâškiel läiđejeijen.[4] Sun lâi meiddei Muumileehi-animaatiorááiđu 3. paajeest Nissoo jienâ.
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Petter Morottaja.
Käldeeh
[mute | mute käldee]- ↑ Morottaja, Petter Kirjasampo. Čujottum 7.6.2025.
- ↑ Anarâškielâ vokalij kvalitetnubástusâi myensteristem kielâtekno morfologisii analysaattorist OuluREPO – Oulun yliopiston julkaisuarkisto. Čujottum 7.6.2025.
- ↑ Tutkijat: Petter Morottaja Oulun yliopisto. Čujottum 7.6.2025.
- ↑ Petter Morottaja Unna Junná uđđâ läiđejeijee | Anarâš saavah | Yle Areena areena.yle.fi. Čujottum 7.6.2025. (suomâkielân)