Parmigiano Reggiano
Parmigiano Reggiano, parmesaan teikkâ parmesaanvuástá lii italialâš korrâ vuástá, mii kopšâduvvoo kuhháá. Tot vyestejuvvoo kusâmielhist, mii ij pastöristuu. Parmesaan kopšâdem pištá šlaajâ mield 12–40 mánuppaijeed. Parmesaaneh láá uáli jo stuárráh já lussâdeh: ohtâ vuástáskiärru puáhtá teddiđ 24–40 kg.[1]
Parmesaanist lii EU syeijejum algâpuáttimnomâttâs (suomâkielân suojattu alkuperänimitys ađai SAN), mondiet parmesaan puáhtá vuostiđ tuše Parma, Reggio Emilia, Modena, Bologna já Mantova eennâmkuudijn.[1][2]
Parmesaanvuástá kočoduvvoo "vuástá kunâgâssân".[2]
Nommâ
[mute | mute käldee]Parmigiano Reggiano lii finnim noomâs Parma já Reggio Emilia kaavpugijn, moh kuleh ton ärbivuáválii valmâštemkuávlun. Parmigiano já reggiano láá italiakielâ adjektiiveh, veikkâ Parmigiano Reggiano -vuástá noomâst sääni parmigiano lii-uv substantiiv. Parmigiano meerhâš "parmalâš". Tot lii kuittâg puárisáigásâš sääni, mii onnáá peeivi lii aanoost tuše Parmigiano Reggiano -vuástá noomâst. Tááláá kielâst "parmalâš" lii parmense. Sääni reggiano vist meerhâš "reggioemilialâš". Tom ij koolgâ sehhiđ sáánán reggino, mii vist meerhâš "reggiocalabrialâš".
Jiešvuođah já kiävttu
[mute | mute käldee]Parmesaan lii tehálâš aamnâs maaŋgâin italialijn purrâmâšâin, eromâšávt pasta alne.[3] Tot lii meiddei njaalgâ pevdivuástá.
Kovegalleria
[mute | mute käldee]-
Kooveest leijee parmesaanskiäruh iä lah kopšâdum siämmáá kuhháá. -
Parmesaanvuástá -
Parmesaanskiäruh kopšâduumin modenalii vuástáfabrik vuárhást.
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Parmigiano Reggiano.
Käldeeh
[mute | mute käldee]- ↑ a â Parmigiano Reggiano PDO dopitalianfood.com. Čujottum 16.7.2025.
- ↑ a â Parmesan – The King of Cheeses Wipo Magazine. 1.2.2011. Čujottum 9.9.2025. (eŋgâlâskielân)
- ↑ Italian Kitchen Essentials mykindofitaly.com. Čujottum 16.7.2025.