Palindrom
Palindrom lii kielâsierâ, mii lii tubdum aainâs-uv jo antiik Kreikkaast já Roomast. Tot lii sääni, ceelhâ tâi veikâ ubâ maainâs, mii lii siämmáš talle-uv, ko pustavij oornig lii nubijkulij.[1][2] Ovdâmerkkân:
– ij eeni, motomin eeji.
Sänikooskah, ceehih já eres siämmáálágáneh ääših iä valduu huámášumán.
Háástuh palindromij rähtimist šaddeh táválumosávt kielâ raijiittâsâin toos, kogobeht säänist já moi eres pustavijguin pustaveh uážžuh leđe. Jyehi kielâst láá tiäđust-uv ereslágáneh raijiittâsah. Anarâškielâst ovdâmerkkân D, Đ, G, Z já Ž iä táválávt lah sääni aalgâst. Vokalijn A lii táválávt tuše vuosmuu stavâlist já Â vist ij lah. Diftoŋeh vist iä pyevti leđe nubijkulij, mutâ taan ääšist iššeed tot, ete I lii meiddei pelivookaal. Nuuvtpa diftoŋ IÄ sáttá leđe nubijkulij veikâ säänist "äigi".[3]
Jis halijduvvoo, ete palindrom tuáimá sehe tekstâ- já sárnumhäämist, te jiennâdmist šaddeh čuolmah ereskukkosij jienâduvâiguin já pelivokalijguin. Ovdâmerkkân "sävni" lii [säyyni], mutâ ..."in väs"... lii [in väs].[3] Ton tááhust ovdeláá mainâšum palindrom ij tooimâ tievâslávt:
– ij eeNi, motomin eeJi.
Suomâkielâ palindromeh
[mute | mute käldee]- Aaro saattoi ottaa soraa.
- innostunut sonni
- Iso rikas sika sökösakissa kirosi.
- Isä, älä myy myymälääsi!
- Neulo taas, niin saat oluen!
- saippuakivikauppias
- Säkylän oiva tavi on älykäs.
- Tavat sinua kaunistavat.
Keejâ meid
[mute | mute käldee]Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Palindrom.
Käldeeh
[mute | mute käldee]- ↑ Anagrammi, palindromi ja sananmuunnos Kielikello. 31.12.2003. Čujottum 22.5.2025. (suomâkielân)
- ↑ Suomen kielen ylin taso: palindromi Kielikello. 4.3.2019. Čujottum 22.5.2025. (suomâkielân)
- ↑ a â Valkeapolku, Valtteri: ”Jis mij tuálvup ovdâskulij kielâ, te mii tuálvu ovdâskulij kielâ” – Uási 2/2 anarasaavis.fi. 23.5.2025. Čujottum 23.5.2025.