Paavi
Paavi (läättinkielân pāpa) lii katolilii kirho hovdâ já Vatikaan staatâhovdâ. Paavi áásá Vatikaanist. Sun haaldâš ubâ maailm katolilii kirho. Tááláš paavi lii Leo XIV, kote väljejui paavin vyesimáánu 8. peeivi 2025.
Uđđâ paavi valjim
[mute | mute käldee]Paavi jäämmim maŋa paavi väldi sirdoo kardinaalkollegion. Uđđâ paavi väljejuvvoo kardinaalij čuákkimist adai koŋklaavist. Tuše kardinaaleh, kiäh iä lam vala tiävdám 80 ihheed paavi jäämmimpeeivi, uážžuh jienâstiđ koŋklaavist. Nyevt 120 kardinaalid jienâsteh toppum uvsâi tyehin, já puohah sist láá vuárnum, et sij aneh jieijâs iävtukkâs syeligâs tiättun. Jienâstmeh tuállojeh tassaažân ko ohtâ iävtukkâs lii finnim kyevti kuálmádâs eenâblovo. Čuávuváá miärádâsâst västideh 138 kardinaalid.[1]
Peeivi ovdil koŋklaav älgim kardinaaleh kiäsádeteh Vatikaan kyessiviistán Casa Santa Martan. Ton puudâ rääjist sij láá sierrejum eres maailmist, amas olgomaailm pyehtiđ vaiguttiđ sii valjiimáid.[2]
Vuosmuu jienâstem maŋa, mii tábáhtuvá koŋklaav vuosmuu eehid, kardinaaleh jienâsteh jyehi iiđeed já ehidispeeivi kuohtii Sikstus kappelist. Paavi valjiimân tarbâšuvvoo kyehti kuálmádâs eenâbloho puoh jienâin.[2]
Sikstus kappelist láá kyehti uuvnâ. Nubbeest puáldojeh jienâstemliipuh jyehi jienâstem maŋa, já nuubán lasettuvvoo čapis teikâ vielgis ivne. Čapis suovâ almoot, et uđđâ paavi ij lah vala väljejum. Vielgis čuovâ vist lii merkkâ uđđâ paavi valjiimist. Suovâmeerhah vuárdojeh piäiválávt suullân koskâpeeivi ääigi já ehidist tijme 19.[2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Paavi.
Käldeeh
[mute | mute käldee]- ↑ Olthuis, Marja-Liisa: Paavi Franciscus lii jáámmám anarasaavis.fi. 22.4.2025. Čujottum 22.4.2025.
- ↑ a â b Olthuis, Marja-Liisa: Koŋklaav uđđâ paavi valjiimân álgá vyesimáánu 7. peeivi anarasaavis.fi. 1.5.2025. Čujottum 1.5.2025.