Oliviero Toscani
Oliviero Toscani (28. kuovâmáánu 1942 Milano, Italia – 13. uđđâivemáánu 2025 Cecina, Italia)[1] lâi italialâš čuovâkovvejeijee. Sun lii tobdos ruokkâdis já vááimun čyeccee kuvijnis italialii Benetton-pivtâsbrändin.
Eellim
[mute | mute käldee]Oliviero Toscani šoodâi Milanost cuáŋuimáánu 28. peeivi 1942. Suu eeči lâi pegâlmâs čuovâkovvejeijee italialii Corriere della Sera -aavisist. Toscani luuvâi taaiđâškoovlâst Zürichist Sveeicist.[1][2]
Toscani jaamij uđđâivemáánu 13. peeivi 2025. Sust lâi härvinâš tavdâ, amyloidoos, mii vahâgit tehálijd orgaanijd já niärváid. Muáddi peeivi ovdil jäämmim Toscani lâi karttâm Cecina pyecceiviäsun.[1][2][3]
Pargo
[mute | mute käldee]Toscani kuvvij máinuskuvijnis tehálijd ohtsâškodálijd teemaid. Suu pargo kieđâvušâi eres lasseen AIDS, rasism, suáđi já jäämmimráŋgáštâs. Toscani kuvvij maaŋgâid kulttuurlijd ikonijd, tegu Andy Warhol, John Lennon já Federico Fellini. Sun poorgâi Benettonân 18 ihheed já raahtij pegâlmâs "United Colours of Benetton" -kampanjaid. Suu koveh lijjii távjá kištâlemvuálásiih. Ovdâmerkkân koveh Bosnia-suáldát ivnáin pihtâsijn, AIDS:ân jämmee almast sehe paapâ já nuná cummeest finnejii stuorrâ huámmášume.[1][2]
Karrieeris ääigi Toscani poorgâi meiddei maŋgáid muotilostáid, tegu Voguen já GQ:ân.[1][2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Oliviero Toscani.
Käldeeh
[mute | mute käldee]- ↑ a â b c č Oliviero Toscani, Benetton's shock photographer, dies aged 82 www.bbc.com. Čujottum 15.1.2025. (eŋgâlâskielân)
- ↑ a â b c Brecciaroli, Fabrizio: Italialâš čuovâkovvejeijee Oliviero Toscani lii jáámmám anarasaavis.fi. 15.1.2025. Čujottum 15.1.2025.
- ↑ Maailmaa kohahduttaneet Benetton-kuvat ottanut Oliviero Toscani on kuollut – tältä näyttävät hänen ikoniset työnsä Helsingin Sanomat. 13.1.2025. Čujottum 15.1.2025. (suomâkielân)