Njuškii siskáldâsân

Muumileehi (animaatioráiđu)

Wikipedia:st

Muumileehi (nuorttâlâškielân Muumlieʹǩǩ, orjâlâškielân Mumenvággi, ruotâkielân Mumindalen, eŋgâlâskielân Moominvalley) lii kuovâmáánust 2019 vuosmuu tove oinum syemmilâš-brittilâš animistum televisioráiđu, mii vuáđuduvá Tove Jansson Muumi-kiirjijd já Tove já Lars Janssonin Muumistáálu-ráiđukuuvijd.[1]

Rááiđu lii stivrim brittilâš Steve Box já tom láá olášuttâm tiätumaašinanimaation. Pyevittâsfinnodâh lii syemmilâš Gutsy Animations ohtsâšpargoost Yleisradioin. Fáárust lii meiddei syemmilâš Anima Vitae -animaatiostudio. Sämikielâlij dubbaamij stivriimist västidij Susa Saukko já suomâkielâlij Carla Rindell. Anarâškielân rááiđu lii jurgâlâm Neeta Jääskö, nuorttâlâškielân Tiina Sanila-Aikio, pajekielân Inger-Mari Aikio já suomâkielân Minna Tasanto, kii jurgâlij meiddei Muumilaakson tarinoita-rááiđu ive 2017 versio.[2] Rááiđu dramaturg lii Melli Maikkula.

Rááiđu budjet lâi paijeel 20 miljovn eurod, mii taha rááiđust puoh tivrâsumos syemmilâš televisiopyevtittâs kuássin.[3]

PGS Entertainment hommái rááiđu jyehimvuoigâdvuođâid vyesimáánu 1. peeivi 2019.[4]

Pajeh

[mute | mute käldee]

Vuosmuš paje

[mute | mute käldee]

Rááiđu vuosmuu paajeest lijjii 13 uássid, main vuosmuš oinui vuosmuu tove Suomâst kuovâmáánu 25. peeivi 2019 suomâkielân já čuávuváá peeivi ruotâkielân. Pajekielân vuosmuu paje uásih oinuuškuottii cuáŋuimáánu 13. peeivi 2020. Anarâškielân vuosmuu paje uásih iä rahtum ollágin.

Suomâkielâlijd oosijd puovtij keččâđ televisiost vuosmuu tove ain vuossaargâ Yle TV2:st[5] já ruotâkielân jyehi majebaargâ Yle Teema & Fem -kanavast. Uđđâ oosijd almostittii sehe suomâ- já ruotâkielân kuittâg jo ain vuossaargâ Yle Areenast. Stuorrâ-Britanniast televisiofinnodâh Sky lii vuolgâttâm rááiđu cuáŋuimáánu 19. peeivi 2019 rääjist.[6]

Nubbe paje

[mute | mute käldee]

Meid rááiđu nube paajeest láá 13 uássid. Tain čiččâm jurgâlui já dubbajui meid anarâškielân (uásih 2-8). Loopah nube paje uásih pottii nuorttâlâškielân. Pajekielân oosijd iä ráhtám ollágin.

Anarâškielâliih uásih almostuvvii Yle Areenan ain jyehi vuossaargâ čohčâmáánu 7. peeivi 2020 rääjist. Siämmáá peeivi taid puovtij keččâđ meiddei televisiost, kost toh pottii Unna Junná saajeest. Nuorttâlâškielân vuosmuš uási oinui roovvâdmáánu 26. peeivi 2020.

Suomâkielân paje vuosmuuh nelji uási almostuvvii Yle Areenast jo tolebáá, njuhčâmáánu 2. peeivi 2020, já čuávuvááh nelji njuhčâmáánu 30. peeivi. Majemuuh vittâ uási almostuvvii cuáŋuimáánu 27. peeivi. Oosijd puovtij keččâđ suomâkielân Yle TV2:st njuhčâmáánu 2. peeivi rääjist, já ruotâkielân taid láá čáittám BUU-klubben -ohjelm ohtâvuođâst Yle Teema & Fem -kanavast.[7] Kyehti vuosmuu uási čaittii meid Finnkino elleekoveteatterijn kuovâmáánu 2. peeivi 2020.[8] Stuorrâ-Britanniast nube paje algâttii vuolgâttiđ juovlâmáánu 21. peeivi 2019 já Japanist uđđâivemáánu 9. peeivi 2020 rääjist.[9]

Kuálmád paje

[mute | mute käldee]

Rááiđu kuálmád paje rähtimist almottii skammâmáánust 2020. Tast-uv lijjii 13 uássid, main nelji šoodâi meid anarâškielân (uásih 6-9). Uásih 1-5 šoddii pajekielân, já 10-13 vist nuorttâlâškielân. Stuorrâ-Britanniast kuálmád paje oinuuškuođij cuáŋuimáánu 1. peeivi 2022. Suomâst tot vist almostui roovvâdmáánu 3. peeivi 2022. Vuosmuš uási mii oinui anarâškielân lâi 6. uási ađai Tohto hirmos mainâseh, mii oinui televisiost já poođij Yle Areenan roovvâdmáánu 23. peeivi 2023.

Niäljád paje

[mute | mute käldee]

Rááiđu niäljád paajeest almottii uđđâivemáánust 2023.[10] Nuuvtko ovdebijn-uv poojijn, meid niäljád paajeest láá 13 uássid. Toh še láá jurgâlum já dubbajum jo-uv anarâš-, nuorttâlâš- tâi pajekielân, já toh oinuuškyetih keesi 2026 aalgâst Yle TV2:st.[11] Stuorrâ-Britanniast paje oinuuškuođij roovvâdmáánu 26. peivi 2024, já Suomâst tot almostui uđđâivemáánu 6. peivi 2025.

Huáđđooh já jienâčaittâleijeeh

[mute | mute käldee]
Rááiđu nommâ Muumileehi Muumlieʹǩǩ Mumenvággi Muumilaakso Mumindalen Moominvalley ムーミン谷のなかまたち
Huáđđoo Anarâškielâlâš jienâčaittâleijee Nuorttâlâškielâlâš jienâčaittâleijee Pajekielâlâš jienâčaittâleijee Suomâkielâlâš jienâčaittâleijee[12][6] Ruotâkielâlâš jienâčaittâleijee[13][6] Eŋgâlâskielâlâš jienâčaittâleijee[14][15][16] Jaapaankielâlâš jienâčaittâleijee
Muumistáálu Mikkâl Morottaja Teemu Titola Áilu Valle Joonas Nordman Christoffer Strandberg Taron Egerton (Pajeh 1–2)

Jack Rowan (Pajeh 3–4)		 Junta Terashima
Muumienni Anna Morottaja Tiina Sanila-Aikio Siri Broch Johansen Satu Silvo Maria Sid Rosamund Pike Kikuko Inoue
Muumieeči Aimo Aikio Tauno Ljetoff Mikkel Gaup (paje 1)

Pekka Aikio (paje 3)		 Ville Haapasalo Carl-Kristian Rundman Matt Berry Yasunori Matsumoto
Uccâ Myy Auri Ahola (paje 2)

Neeta Jääskö (paje 3)

 Neeta Jääskö Irene Länsman Kiti Kokkonen (pajeh 1-3)

Aksa Korttila (paje 4)		 Saga Sarkola Bel Powley Ikue Ōtani
Noskemudágâš Tomi Koivunen Tuomas Kiprianoff Niko Valkeapää (paje 1)

Niillas Holmberg (paje 3)		 Olavi Uusivirta Paavo Kerosuo Edvin Endre Issey Takahashi
Nipso Marko Tervaniemi Pavlo Heikkinen Aslak Paltto Markku Haussila Andreas af Enehielm Warwick Davis Kōji Ochiai
Nisonieidâ Heli Huovinen Heidi Gauriloff Linda Tammela Alina Tomnikov Edith Holmström Akiya Henry Minami Tsuda
Piisamrottá Yrjö Musta Erkki Lumisalmi (paje 2)

Ivor Vainoja (paje 3)

 Pentti Pieski (paje 1)

Niillas Holmberg (paje 3)		 Heikki Harma Max Bremer

(paje 1, 2. paje uásih 1–5, 13)

Sixten Lundberg

(2. paje uásih 6–9)		 Will Self Nobuaki Kanemitsu
Almai-Hemulááh Tuomo Huusko Jouko Moshnikoff Tuomo Huusko Taisto Oksanen Pekka Strang (pajeh 1-3)

Martin Bahne (paje 4)

 Joe Wilkinson Tetsuharu Ōta
Nissoon-Hemulááh Ulpu Mattus-Kumpunen ? Inger-Mari Aikio Ella Pyhältö Cecilia Paul Susie Brann ?
Rovvá Vilijoŋka Suvi King Tiina Sanila-Aikio Anna Näkkäläjärvi-Länsman Kristiina Halttu Nina Hukkinen Kate Winslet Shiho Hisajima
Komme Susie Brann
Tuu-tik Ulpu Mattus-Kumpunen ? Anne Olli Elina Knihtilä Nina Palmgren Katie Leung ?
Tijdár Veikko Aikio Olavi Kiprianoff ? Jorma Uotinen Nicke Lignell Adewale Akinnuoye-Agbaje Hidenari Ugaki
Timmee já Vimmee Sari Sarre (Timmee)

Niina Aikio-Siltala (Vimmee)		 ?

?		 ?

?		 Anna Puu (Timmee)

Paula Vesala (Vimmee)		 Iida Kuningas (Timmee)

Sara Soulié (Vimmee)		 Jon Monie (Timmee)

Susie Brann (Vimmee)		 Kōsuke Echigoya (Timmee)

Mitsuhiro Inose (Vimmee)
Mymmel (puárásub) Marke Laaksonen Heini Wesslin Annukka Hirvasvuopio-Laiti Lotta Lindroos Hellen Willberg Jennifer Saunders Yuriko Ishigane
Teatterrottá Emma Arja Saijonmaa Alison Steadman ?
Ti-ti-uu ? ? Pekka Aikio Lauri Ketonen Olli Liljeström Matt Lucas Kunihiro Kawamoto
Miska ? ? Aslak Paltto Miiko Toiviainen Kaj Korkea-aho Rebecca Root Kozue Harashima
Uccâ Kumâttâs ? ? Pekka Aikio Ali Jahangiri André Wickström Richard Ayoade Kyousei Tsukui
Ninni ? ? Inga Ravna-Pieski Yasmine Yamajako Jenna Hukkinen Mayumi Kawai Yui Fukuo
Hiärrá Virkkunen ? Juha Feodoroff Sverre Porsanger Riku Nieminen Kristoffer Gummerus Julian Barratt Yukito Soma
Tohto Satu Aikio Mariann Bernhardt (Paje 2)

Sara Kelemeny (Paje 3)

 Sari Sarre Iina Kuustonen Nina Palmgren Iina Kuustonen Sachiko Honma
Merâhiäppušeh ? Anna Lumikivi

Sonja Hofslagare		 ? Saara Aalto

Anna-Maija Tuokko		 Emma Klingenberg

Jennie Storbacka		 Miriam-Teak Lee

Shalon Brune-Franklin		 Mariko Munakata

Sayaka Narita
Kuálásteijee Aleksi Ahlakorpi Markus Juutinen Aleksi Ahlakorpi Kari Ketonen Oskar Pöysti Rhys Darby Hiroyuki Shibamoto
Hiärrá Vilijoŋka Peter Kanerva Jon Monie ?
Nissoo Petter Morottaja Erkki Feodoroff Aslak Holmberg Deogracias Masomi Tom Rejstörm Chance Perdomo ?
Háisoo Eljas Niskanen Ivor Vainoja Sverre Porsanger Santeri Kinnunen Elmer Bäck Mike Wilmot ?
Taaidâr ? ? ? Teemu Keisteri Alvar Gullichsen Julian Rhind-Tutt ?
Mimmi ? ? ? Kaisla Löyttyjärvi Jonna Järnefelt Ellen Thomas ?
Ilbe Joonas Saartamo ?
Laseroolih Satu Aikio,

Neeta Jääskö		 Erkki Feodoroff,
Markus Juutinen,
Sara Kelemeny,
Susa Saukko,
Heini Wesslin		 Pekka Aikio,

Anna Näkkäläjärvi-Länsman,

Aslak Paltto		 Jukka Nylund,

Ella Pyhältö,

Taina West		 Cecilia Paul,

Taina West		 Susie Brann,

Jon Monie		 ?

Rááiđu muusik

[mute | mute käldee]

Rááiđu muusikijd láá ráhtám syemmiliih šuoŋârähteeh Pekka Kuusisto já Samuli Kosminen. Kuusisto eeči, Ilkka Kuusisto, lii ráhtám šuoŋâ Muumiooppera-čaaitâlmân ive 1974.[17]

Čohčâmáánust 2018 almottii, ete Gutsy Animations raahtij sopâmuš Sony Musicijn, mast maaŋgah artisteh lávluuččii pitá jyehi uásán.[17] Pittálisto almostui uđđâivemáánu 25. peeivi 2019.[18]

Käldeeh

[mute | mute käldee]
  1. ↑ Nurmio, Satu: Uusi Muumi-sarja alkaa Ylellä ja Briteissä keväällä 2019 Yle. 26.10.2017, päivitetty 19.6.2018. Čujottum 5.8.2018.
  2. ↑ Muumeilta viedään vaapukkamehu ja sukupuoliviittauksia karsitaan - Näin kieli muuttuu uusissa Muumilaakson tarinoissa Iltalehti. 9.2.2017. Čujottum 3.3.2020.
  3. ↑ Finland’s most expensive TV show: New Moominvalley series YLE News. 25.1.2019. Čujottum 2.5.2019.
  4. ↑ PGS Brings ‘Moominvalley’ to the World as Global Distributor animationmagazine.net. 1.5.2019. Čujottum 6.5.2019.
  5. ↑ Muumilaakson lasten ensi-ilta täynnä odotusta – lapset näkivät rakastetut muumit ensimmäisinä Yle. 23.1.2019. Čujottum 26.1.2019.
  6. 1 2 3 Voices of Moominvalley Gutsy Animations. Arkkâdistum Čujottum 3.4.2019.
  7. ↑ "Muumilaakso" saa jatkoa: toinen kausi alkaa Ylellä alkuvuodesta Moomin Characters. 2.12.2019. Čujottum 3.12.2019.
  8. ↑ Muumilaakso juhlii Finnkinolla helmikuussa Finnkino. 2.2.2020. Arkkâdistum Čujottum 12.1.2020.
  9. ↑ Hooray, Moominvalley season 2 confirmed! Moomin Characters. 2.12.2019. Čujottum 4.12.2019.
  10. ↑ GUTSY ANIMATIONS CONFIRMED SEASON 4 animationmagazine.net. 10.1.2023. Čujottum 28.3.2023.
  11. ↑ Länsman, Kirsti: Sámegielat mumeniid dubben joatkašuvvá guhkes bottu maŋŋá –sámi ruhtadeapmi gájui heajos ruhtadilis Yle Säämi. 28.1.2026. Čujottum 1.2.2026. (pajekielân)
  12. ↑ Uuden Muumi-animaation ääninä kuullaan Putous-tähtiä – katso näyte sarjasta yle.fi. 27.11.2018. Čujottum 27.11.2018.
  13. ↑ Här är skådespelarna som ger röst åt den nya animationsserien Mumindalen moomin.com.
  14. ↑ New cast members of the upcoming animated series MOOMINVALLEY Muumien viralliset nettisivut. 13.3.2018.
  15. ↑ Kansainväliset tähdet antavat äänensä Muumeille uuden sarjan englanninkielisessä versiossa yle.fi. 12.9.2017.
  16. ↑ GUTSY ANIMATIONS’ MULTI AWARD-WINNING ‘MOOMINVALLEY’ CONFIRMED FOR SEASON 3 Gutsy. 2.11.2020.
  17. 1 2 Each episode of the highly-anticipated Moomin animation series will include a featured track by top international artists Moomin. 11.9.2018. Čujottum 6.5.2019.
  18. ↑ Uusi Muumilaakso-televisiosarja saa muun muassa Alman, MØ:n ja First Aid Kitin tähdittämän soundtrack-levyn Moomin. 29.1.2019. Čujottum 6.5.2019.

Fáádást eres soojijn

[mute | mute käldee]
Viežžum saajeest "https://smn.wikipedia.org/w/index.php?title=Muumileehi_(animaatioráiđu)&oldid=153860"