Muorâ
Šaddotiettuu mield muorâ lii maaŋgâihásâš šaddo, mast lii kuhes verdi, mii táválávt kuáddá oovsijd já loostâid. Muorah iä kulluu siämmáá kladin, adai muorâin ij lah ohtsâš madâreeči. Muorâi juávhust láá maaŋgâlágáneh šlaajah eres taavgijn, moh láá jiečânávt ovdánâm nuuvt, et toin lii kuhes muorâverdi, vâi toh pesâččii nubij šadoi paijeel já finniiččii eenâb čuovâ. Muorâ ij lah šadoi šlaajâ, peic šadoi olgohäämi.
Muorâi juávkku kočoduvvoo vyevdin, vyevdih peittih kuálmáduási eennâmpáálu koškes eennâmvijđoduvvâst. Eennâmpáálust láá suullân 73 300 šlaajâd. Stuorrâ uási tain láá lostâmuorah.