Mielâtiervâsvuođâ kuávdášlitto
Mielâtiervâsvuođâ kuávdášlitto (nuorttâlâškielân Miõlltiõrvâsvuõtt kõõskõslett, orjâlâškielân Mielladearvvašvuođa guovddášlihttu, suomâkielân Mielenterveyden keskusliitto ry já ruotâkielân Centralförbundet för Mental Hälsa) lii jiečânâs, väldikodálâš aalmugservi. Ive 2021 loopâst liiton kullii 142 servid já seervij peht suullân 14 000 jesânid pirrâ Suomâ.[1]
Historjá
[mute | mute käldee]Lito vuáđudii mielâtiervâsvuotâvajoiduvveeh, sii aldaulmuuh já mielâtiervâsvuotâáámmátliih Koljonvirta pyecceiviäsust Iisalmist kesimáánu 6. peeivi 1971.[2]
Toimâ
[mute | mute käldee]Ive 1992 rääjist Mielâtiervâsvuođâ kuávdášlitto lii koordinistám oovtâst viärdásâštoorjâornijdume Soropaddijn (suomâkielân Surunauha) kintâltilâlâšvuođâid jiešsorme uuhrij muušton Suomâst. Ive 2024 kintâltilálâšvuođah tuállojii skammâmáánu 17. peeivi paijeel 40 päikkikoddeest pirrâ Suomâ.[3]
Mielâtiervâsvuođâ kuávdášlitto uárnee väldikodálijd Mielâtiervâsvuotâmessuid káidusohtâvuođáin mielâtiervâsvuotâoho ääigi. Messuin puáhtá čuávvuđ maaŋgâlágánijd mielâtiervâsvuotân lohtâseijee seminaarijd já luvâlduvâid. Uási ohjelmist lii nuuvtá, uásán luvâlduvâin vist ferttee uástiđ liipu. Ive 2024 luvâlduvah kieđâvuššii ovdâmerkkân ohtuuvuođâ, ucceeblohostreesi, vuoiŋâštiervâsvuođâ, silloom já seksuaalviehâvääldist tuoibâm.[3]
Keejâ mield
[mute | mute käldee]Fáádást eres soojijn
[mute | mute käldee]Käldeeh
[mute | mute käldee]- ↑ Jalava, Janne: Toimintakertomus 2021 (PDF) Mielâtiervâsvuođâ kuávdášlitto. 4.5.2022. Čujottum 19.11.2024. (suomâkielân)
- ↑ Näin alkoi tarinamme Mielâtiervâsvuođâ kuávdášlitto. Mielenterveyden keskusliitto. Čujottum 19.11.2024. (suomâkielân)
- ↑ a â Schreck, Jasmina: Taan ohhoost viättoo mielâtiervâsvuotâokko anarasaavis.fi. 19.11.2024. Čujottum 19.11.2024.