Masa jo Mánudáást
Masa jo Mánudáást lii vuossâmuš sämikielâg scifi-roomaan ubâ maailmist. Tom lii čáállám Márjá-Liisá Olthuis. Anarâškielâ servi almostitij kirje ive 2021. Kirje lii čallum anarâškielân.[1]
Juonâ
[mute | mute käldee]Maainâs álgá Mánudáást. Ton aalgâbeln komovuotâhuáđđooh nuorâ Codex já suu eeči lává uáivipersovneh, kiäi čoolmij čoođâ lohhee uáiná tábáhtusâid. Suoi aassâv Mánudáást, kuulmâ kieŋâlumos kraatter kooskâst. Eeči lii eidu haahâm uđđâ rakkeet, mon suoi vyelgiv testađ komovuotân. Kirdemmääđhi ääigi tábáhtuvá kuittâg pärtti, mon keežild rakkeet kirdeškuát nubenáál ko lii jurdâččum. Codex-kyevtis eijijn karttâv vahâgist päikkikuávlustis Mánudáást Eennâmpáálu asan, já sunnuu viggâmuš peessâđ maasâd pááikán lii kirje jiäráskittee juonâ. Kuus te sunnuu mätki tuálvu? Moin naalijn Eennâm komovuotâohjelmeh lohtâseh komovuotâhuáđđoi maailmân?
Suullân kirje pelimuddoost uáinu muttoo. Komovuotâhuáđđookyevtis pääcciv tuáhá, já puáris astronauteh Geno, Mikkâl já Reedrik láá loppâuási uáivipersovneh. Sii vaigâdis pargo lii tuálvuđ huáđđoid maasâd pááikán, veikâ ohtâgin sist ij lah iällám 50 ihán komovuođâst. Tääl lohhei čiälgá, maht komovuotâmáátkán rahttâttoo.
Käldeeh
[mute | mute käldee]- ↑ Olsen, Edel: Marja-Liisa Olthuis: Masa jo mánudáást Säämi kirjerájupalvâlus. 9.3.2022. Čujottum 22.6.2025. (tárukielân) já (anarâškielân)