Luoihâttemmerkkâ
|
” ” » » ’ ’ | |
|---|---|
| čuogâstâh | . |
| cekki | , |
| tublečuogâstâh | : |
| peličuogâstâh | ; |
| koččâmâšmerkkâ | ? |
| čuorvimmerkkâ | ! |
| suoppimmerkkâ | ’ |
| luoihâttemmeerhah | ” ”, » », ’ ’ |
| särgismeerhah | -, –, —, − |
| topâlduvah | ( ), [ ], { }, ⟨ ⟩ |
| kulmâ čuogâstuv | … |
| vinesäärgis | / |
| njahčesäärgis | \ |
| koskâspokkâlem | |
Luoihâttemmerkkâ lii koskâmerkkâ, mon kevttih táválávt paaráin iäruttiđ luoihâttem teikâ siitaat eres teevstâst.
Luoihâttemmerkkâ anarâškielâst
[mute | mute käldee]Anarâškielâst luoihâttemmeerhah kalgeh čujottiđ siämmáá suundán kuábbáá-uv peln luoihâttem (” ”, » » ), ađai ij nuuvt, ete nubbe lii veik vuálusooivij (“ ”). Luoihâttemmeerhâid kevttih sitatijn, luoihâtmist, tuojij nomâigijn, jiellâhnoomâin, já meid jis haalijd tiäduttiđ, et mottoom sääni iättoo ironisávt tâi eres merhâšuumeest ko táválávt.[1]
Peliluoihâttemmeerhah
[mute | mute käldee]Meid peliluoihâttemmeerhah kalgeh čujottiđ siämmáá suundán kuábbáá-uv peln luoihâttem (’ ’). Peliluoihâttemmeerhâid kevttih čäittiđ sääni merhâšume tâi jis táválij luoihâttemmeerhâi siste lii tárbu kevttiđ nuubijd luoihâttemmeerhâid.[2]
Käldeeh
[mute | mute käldee]- ↑ Mettovaara, Jukka: Luoihâttemmeerhah www.giella.org. 26.05.2026. Čujottum 10.6.2026.
- ↑ Mettovaara, Jukka: Peliluoihâttemmeerhah www.giella.org. 26.05.2026. Čujottum 10.6.2026.