Leo XIV
.jpg)
Leo XIV (olmâ nommâ Robert Francis Prevost, š. čohčâmáánu 14. peeivi 1955 Chicago, Illinois, Ovtâstum staatah) lii katolilii kirho 267. paavi. Sun sárnu njyebžilávt eŋgâlâskielâ, italiakielâ já espanjakielâ.[1]
Eellim
[mute | mute käldee]Prevost lii šoddâm Chicago kaavpugist Ovtâstum staatâin. Sun finnij kanonisii laavâ tuáhtár áárvu Rooma Pase Tyemes Akvinolii paavilii ollâopâttuvvâst ive 1987. Sun kulá augustinolâšnjuolgâduskoodán. Sun vihkui pappân ive 1982. Sun lii porgâm Vatikaan Läättinlii Amerik komissio hovdân ive 2023 rääjist. Tađe ovdil sun poorgâi Perust, kost sun tooimâi Chiclayo pispen ivij 2015–2023. Paavi Franciscus nomâttij suu kardinaalin ive 2023.[1]
Ive 2025 koŋklaav
[mute | mute käldee]Ive 2025 koŋklaavist ovtâstumstaatâlâš kardinaal Robert Francis Prevost väljejui katolilii kirho 267. paavin tijme 19:07 vyesimáánu 8. peeivi.[2]
Prevost lâi mottoomnáál olâttâsvaljim, tastko suu ameriklâšvuotâ onnui maŋgâs mielâst eestân suu valjiimân. Sun ij lam nomâttum kievrâmui paavikandidaatij nommân ollágin.[1]
"Ráávhu liävus tiigijn" lijjii uđđâ paavi vuosmuuh säneh ulmuid, kiäh čuožžuu Piättár avgâdâsâst suu vyerdimin. "Paa ij vyeiti… Palottáá mij väldip vuástá Immeel já juátkip oovtâst", uđđâ paavi luuvâi pápárist. "Maailm taarbâš Kristus, já mij kolgâp puohah išediđ kuáimán."[1]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Leo XIV.
Käldeeh
[mute | mute käldee]- ↑ a â b c Olthuis, Marja-Liisa: Vielgis suovâ Vatikaan Sikstus kappelist: uđđâ paavi lii väljejum anarasaavis.fi. 9.5.2025. Čujottum 9.5.2025.
- ↑ Giuffrida, Angela já Sherwood, Harriet: White smoke from Sistine Chapel chimney signals election of new pope The Guardian. 8.5.2025. Čujottum 9.5.2025. (eŋgâlâskielân)