Kymrikielâ muusikpeivi
Kymrikielâ muusikpeivi (kymrikielân Dydd Miwsig Cymru) lii muusikfestivaal, mon vuáđudij radiolaiđiistellee Huw Stephens. Tot uárnejui vuossâmuu tove kuovâmáánust 2013.[1] Kymrikielâ muusikpeeivi ulmen lii juhlođ puohlágán kymrikielâlii muusik: rock, pop, folk, elektronisii muusik já hiphop, já puoh, mii jo máttá tai genrei kooskân.[2]
Kymrikielâ muusikpeeivi ääigi uárnejuvvojeh maaŋgah kymrikielâliih konserteh jieškote-uvlágánijn muusikgenrein pirrâ Wales sehe eres soojijn Ovtâstum kunâgâskoddeest.[2]
Historjá
[mute | mute käldee]Ko kymrikielâ muusikpeivi juhlui vuossâmuu tove ive 2023, ohjelmist lijjii iänááš tagareh artisteh, kiäin vuossâmuš kielâ lii kymrikielâ. Onnáá peeivi tile lii muttum – ohjelmist kávnojeh tääl ennuv kymrikielâ uáppeeh, kiäh kevttih kymrikielâ jieijâs muusikist.[2]
2025
[mute | mute käldee]Ive 2025 kymrikielâ muusikpeivi uárnejui kuovâmáánu 7. peeivi.[3] Fáárust lijjii eres lasseen čuávuvááh artisteh:[4]
- Aleighcia Scott (cardifflâš reggae-artist)
- Dionne Bennett (soul-lávloo)
- Dom James (ráppájeijee)
- Adwaith (muusikjuávkku)
- Mellt (muusikjuávkku)
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Kymrikielâ muusikpeivi.
Käldeeh
[mute | mute käldee]- ↑ The history of the Welsh language VisitWales. Čujottum 20.2.2025. (eŋgâlâskielân)
- ↑ a â b Schreck, Jasmina: Kymrikielâ muusikpeivi viettui taan ive jo 10. keerdi anarasaavis.fi. 20.2.2025. Čujottum 20.2.2025.
- ↑ Welsh Language Music Day www.gov.wales. Čujottum 20.2.2025. (eŋgâlâskielân)
- ↑ Morris, Steven: ‘I didn’t think I’d be able to sing in Welsh’: artists’ pride on show for music day The Guardian. 7.2.2025. Čujottum 20.2.2025. (eŋgâlâskielân)