Amoc
| Amoc | |
|---|---|
.jpg) | |
| Persovntiäđuh | |
| Šoddâm | juovlâmáánu 24. peeivi 1984 |
| Šoddâmsaje | Aanaar, Suomâ |
| Aalmugjeessânvuotâ |  Suomâ |
| Musikkár | |
| Lávlumkielah | anarâškielâ |
| Aktiivlâžžân | 1997– |
| Genreh | horrorcore, hiphop |
| Peerâ | |
| Vaanhimeh | Matti Morottaja |
Mikkâl Antti Morottaja ađai Kuobžâ-Saammâl Maati Mikkâl (š. juovlâmáánu 24. peeivi 1984, Aanaar, Suomâ), artistnoomáin Amoc, lii anarâš ráppájeijee. Nommâ Amoc puátá saanijn Aanar Master of Ceremony (Aanaar seremoniamiäštár). Amoc lii šoddâm tobdosin tast, et sun ráppáá anarâškielân. Sun keikkaastâl tyellitälli pirrâ Säämi já motomin meid Maadâ-Suomâst.
Karrieer
[mute | mute käldee]Amoc ráppááškuođij 1990-lovvoost. Sun raahtij vistig muáddi pitá suomâkielân, mutâ luvâttuvâst meridij molsođ kielâ anarâškielân.[1] Sun lâi vuossâmuš, kote ráppááškuođij anarâškielân,[2] já sáttá leđe, ete meid vuossâmuš sämikielâlâš ráppájeijee ubânâssân.[3]
Amoc vuossâmuš single "Šaali" almostui juovlâmáánu 13. peeivi 2006. Suu vuossâmuš studioalbum Amok-kaččâm, mii siskeeld single "Šaali", almostui kuovâmáánu 6. peeivi 2007. Skiäru pyevtittij Tuupa Records. Siämmáá ive sun väljejui ive nuorâ eurooplâžžân.[4]
Ive 2016 almostui uđđâ single "Kiälláseh", mon ohtâvuođâst almostui meid muusikvideo. Siämmáá ive loopâst almostui "Kuobârpoolvâ maŋa", mast lává kyessilávlon Sofia Jannok já Niillas Holmberg.[5]
Tast maŋa Amocist láá almostum singleh jyehi nube ive. Ive 2018 single "Čuđeh" lâi ohtsâšpargo Niki Rasmusáin já Heidi Gauriloffáin.[6] Single "Horagállis" almostui ive 2020, já tot lii vuosmuš single Amoc já Ailu Vale ohtsâš skiärun.[7] Ive 2022 almostuvvii pittá "Steehlaž kååvas – Lássalávvu – Lasâláávu" já ton muusikvideo, moh láá meid uási Siida čáitálduv.[8] Täin láá mieldi Ailu Valle, Hildá Länsman já Heidi Gauriloff. Pittá lii meid nubbe single Amoc já Ailu Vale ohtsâš skiärun Profelaččat.[9]
Ive 2024 Amoc já Yungmiqu almostittijn ohtsâš singles "Šamána".
Amoc lii lamaš mieldi meid maaŋgâi eres artistij pitáin, tego tobdos syemmilâš muusikpyevtitteijee Keko Salata pittáást Suomipopin painajainen, mii almostui ive 2021.[10]
Eres pargoh
[mute | mute käldee]Morottaja lii muusik lasseen lamaš eereeb iärásij jienâčaittâleijen. Jienâčaittâleijen sun čaittâlij ovdâmerkkân Muumistáálu Muumileehi-animaatiorááiđu anarâškielâlâš versiost.[11] Lasseen sun lii lamaš maaŋgâin Unna Junná -rááiđuin še jienân. Sun lâi meid čaittâleijen Yle Säämi nuorâid uáivildum Sámi Sherlock -rááiđu pilotist, mast sun čaittâlij nube válduroolâ.[12]
Diskografia
[mute | mute käldee]Studioalbumeh
[mute | mute käldee]Singleh
[mute | mute käldee]- 2006 – Šaali
- 2016 – Kiälláseh mieldi Ailu Valle[13]
- 2016 – Kuobârpoolvâ maŋa mieldi Sofia Jannok já Niillas Holmberg[14]
- 2018 – Čuđeh oovtâst Niki Rasmusáin já Heidi Gauriloffáin[6]
- 2020 – Horagállis oovtâst Ailu Vallein
- 2022 – Steehlaž kååvas oovtâst Ailu Vallein, Hildá Länsmanáin já Heidi Gauriloffáin
- 2024 – Šamána oovtâst Yungmiquin[15]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Amoc.
Käldeeh
[mute | mute käldee]- ↑ Torikka, Xia & Tammela, Linda: Inarinsaamelaiselta räppäriltä Amocilta tulossa uusi levy pitkän tauon jälkeen Yle Uutiset. 26.7.2016. Čujottum 28.12.2024. (suomâkielân)
- ↑ Wesslin, Sara & Näkkäläjärvi, Sunna: Maailman ensimmäisestä inarinsaamenkielisestä räppäristä ilmestyy dokumentti Yle Uutiset. 2.7.2015. Čujottum 28.12.2024. (suomâkielân)
- ↑ Kuuntele Lappi-rap puhuu: Inarin seremoniamestari, Amoc tekee kauhistuttavaa saamelaistaidetta Lapin Kansa. Čujottum 28.12.2024. (suomâkielân)
- ↑ Amoc vuoden nuori eurooppalainen Kaleva. 9.5.2007. Čujottum 8.8.2026. (suomâkielân)
- ↑ Amoc nettisaje.wikidot.com. Čujottum 27.9.2024.
- 1 2 Kaarret, Anja: Amoc uđđâ pittá "Čuđeh" kulloo vuosmuu keerdi onnáá Sukkâršookist Yle Säämi. 20.9.2018. Čujottum 28.12.2024.
- ↑ Áilu Valle | Uksi Productions uksiproductions.com. Čujottum 28.12.2024. (eŋgâlâskielân)
- ↑ Duodji ja taiteet osana Siidan näyttelyä – Siida siida.fi. Čujottum 28.12.2024. (suomâkielân)
- ↑ ”AMOC x Ailu Valle ft. Hildá Länsman & Heidi Gauriloff - Steehlaž kååvas”. 17.06.2022. Neetist keččâmnáál. Čujottum 29.12.2024.
- ↑ Kaarret, Anja: Kuldâl jienâ: Amoc mieldi tobdos muusikpyevtitteijee Keko Salata uđđâ pittáást Yle Säämi. 19.3.2021. Čujottum 28.5.2026.
- ↑ Seipiharju, Sáárá: Muumilaaksossa puhutaan pian uhanalaista inarinsaamen kieltä: ääninäyttelijänä muun muassa Amocina tunnettu räppäri puolisonsa kanssa Yle Uutiset. 6.9.2020. Čujottum 8.8.2026. (suomâkielân)
- ↑ Saijets, Maiju: Yle Sápmi julkaisee tuotantoa nuorille – "Saamen kieli sopii myös siisteihin juttuihin" Yle Uutiset. 8.1.2018. Čujottum 8.8.2026. (suomâkielân)
- ↑ Huovinen, Heli: Ijâttes iijâ anarâšmuusikfalâldâh: Livđe, räp já rähisvuotâ Yle Säämi. 24.8.2016. Čujottum 28.12.2024.
- ↑ Huovinen, Heli: Amocist uđđâ digisingle Yle Säämi. 16.12.2016. Čujottum 28.12.2024.
- ↑ Ole Nicklas: Amoc ja Yungmiqu ráppeba stereotyhpaid birra Sveriges Radio. 29.9.2024. Čujottum 28.12.2024. (pajekielân)