Koodi ruopsâd!
Koodi ruopsâd! (hollandkielân Code rood!) lii André Kuipers párnáiroomaan, mii almostui anarâškielân ive 2023. Márjá-Liisá Olthuis lii jurgâlâm kirje anarâškielân. Algâalgâlâš kirje lii čallum hollandkielân.[1]
Koodi ruopsâd! kulá Uccâ astronauteh -párnáikirjerááiđun, moos kuleh meiddei tagareh kirjeh ko 3, 2, 1, GO! já Missio máhđuttem, moh almostuvvii anarâškielân iivij 2022 já 2024.[2] Kirje lii jiäráskittee fiäráán uccâ astronautijgijn, mii fáálá lohheid hävskis, suámálijd já eromâš tiäđuid komovuotân maađhâšmist.
Juonâ
[mute | mute käldee]Kirje álgá tast, moos ovdebáš kirje nohá: uccâ astronauteh André já Valentina lává rakkeet sáátust valmâšin máátkán. Sunnuu ulmen lii peessâđ komovuotâsajattâhân, kost professor Korolov lii vyerdimin sii. Imâšlâš mätki komovuođâst šadda kuittâg jotelávt etitilleen. Ko suoi lává alda, te sáttoo pärtti: sajattâh ij tooimâgin. Hirmos larmâ já šliäđgoo lamppu almotteh alemuu larmâdâs: koodi ruopsâd! Sodâstem tiäduttesvuođâst taha aašijd eromâš vädisin. Já komovuotâskiijpâst fiäráán šadda čuuvtij eenâb jiäráskitten!
Käldeeh
[mute | mute käldee]- ↑ Olthuis, Marja-Liisa: Astronaut André Kuipers science fiction -kirje Koodi ruopsâd! lii almostum anarâškielân anarasaavis.fi. 10.10.2023. Čujottum 23.6.2025.
- ↑ Olthuis, Marja-Liisa: ESA-astronaut André Kuipers komovuotâluvâldâllâm Sajosist 2.1.2025 anarasaavis.fi. 13.12.2024. Čujottum 23.6.2025.