Kiärun kaavpugtáálu
| Kiärun kaavpugtáálu | |
|---|---|
| Kiruna stadshus | |
 Kiärun uđđâ kaavpugtáálu čohčâmáánust 2017 |
|
| Čujottâs | Stadshustorget 1, 981 85 Kiärun |
| Sajadâh | Kiärun |
| Koordinaateh | |
| Huksimpargo algâttum | 2015 |
| Huksimpargo vaalmâš | 2018 |
| Anonväldim | skammâmáánu 22. peeivi 2018[1] |
| Vuávájeijee | Henning Larsen Architects |
| Huksiitteijee | PEAB |
| Alodâh | 34,35 m[2] |
| Bruttovijđodâh | 14 400 km2[2] |
 |
|
Kiärun kaavpugtáálu (ruotâkielân Kiruna stadshus) teikkâ Kristal (ruotâkielân Kristallen) lii iivij 2015–2018 huksejum rakânâs Kiärun uđđâ kuávdáást Kaavpugtáálutorist já Malmvägen pellâst. Tot lii suullân 4 km keččin Kiärun puáris kaavpugtáálust. Kaavpugtáálu lii vuossâmuš rakânâs, mii lii huksejum Kiärun uđđâ kuávdážân.
Historjá
[mute | mute käldee]
Porgemáánust 2004 Kiärun kaavpugrääđi meridij sirdeđ ubâ kaavpug suullân 3 km nuortâs, tastko eennâm lâi vuájumin kaavpug vyelni ryevdimalmâruuki LKAB tooimâ keežild.[3]
Roovvâdmáánust 2012 kulluuttui arkkitehtuurkišto uđđâ kaavpugtáálust. Kišto nuuvâi čohčâmáánust 2013, já tom vuoitij tanskalâš arkkitehttoimâttâh Henning Larsen Architects A/S Kristallen-iävtuttâssáin.
Uđđâ kaavpugtáálu huksim aalgij čohčuv 2015 já nuuvâi ive 2018. Kaavpugtáálu viihkâi kiävtun kunâgâs Kaarle XVI Kustaa skammâmáánu 22. peeivi siämmáá ive.[1]
Rakânâs
[mute | mute käldee]Rakânâsâst láá kyehti váldu-uási: aaleeb, almolâš vááimus já ton pirrâ leijee vyeligub riegis, mast láá ei. kaavpug toimâttuvah já jieškote-uvlágáneh haaldâtliih visteh.
Almolâš vááimus lii käävcikiärdásâš, koleivnásâš rakânâs, mon inspiraatiokälden lijjii ruuvki ryevdimalmâmineraalij maaŋgâčievâg häämih.[4] Tot lii áávus puohháid já tuáimá kaavpuglij orroomvisten. Tobbeen láá ei. Kin tááláštaiđuu museo (ovdil Konstmuseet i Norr) já kähviviäsu.
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Kiärun kaavpugtáálu.
Käldeeh
[mute | mute käldee]- ↑ a â Kungen invigde Kristallen i Kiruna Ruotâ kunâgâsviäsu. 22.11.2018. Čujottum 1.9.2025. (ruotâkielân)
- ↑ a â Kiärun kieldâ: Kristallen - Kiruna stadshus och Norrbottens länskonstmuseum kiruna.se. Čujottum 1.9.2025. (ruotâkielân)
- ↑ Parsi, Novid: Signature Move: A New City Hall in Sweden is Laying the Foundation for a Town's Massive Relocation Project Management Institute. 1.4.2019. Čujottum 1.9.2025. (eŋgâlâskielân)
- ↑ Kiruna City Hall Henning Larsen. Čujottum 1.9.2025. (eŋgâlâskielân)