Kamtšatka eennâmtuárgástâs 2025
.png)
Kamtšatka eennâmtuárgástâs 2025 lii stuorrâ eennâmtuárgástâs, mii tábáhtui Ruošâst Kamtšatka njargâeennâm aldasijn syeinimáánu 30. peeivi 2025 suulân peeli kulmâ Suomâ ääigi. Ovtâstum staatâi geologia tutkâmkuávdáá (USGS) mield eennâmtuárgástâs tábáhtui 19,3 km jieŋŋâlvuođâst já ton magnitud lâi 8,8 Richter ciäkkáduv mield.[1]
Eennâmtuárgástâs tovâttij tsunamipááruid Kuálhismeerâst. Enâmeh pirrâ Kuálhismeerâ evakuistii ulmuid já adelii tsunamiváruttâsâid, mutâ maŋeláá maaŋgah váruttâsah kiässojii maassâd, tastko pááruh lijjii-uv ucebeh ko ovdil nobdui. Alemuuh pááruh mitteduvvojii Havaijist. Toh lijjii 1,7 meetter alosiih.[1]
Kreml tallaa tieđetteijee Dmitri Peskov mield kihheen ij jáámmám Ruošâst eennâmtuárgástâs ige tsunami keežild. Lammâšum ulmui meereest sun ij muštâlâm. Pááruh tuššâdii Ruošâst kuittâg rakânâsâid. Kamtšatka njargâenâmist rusoškuođij meid Kljutševskoi tullâvääri, já kuárdee laava kuulgâi ton rivte mield. Kljutševskoi lii Euraasia alemus aktiivlâš tullâvääri.[1]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Kamtšatka eennâmtuárgástâs 2025.
Käldeeh
[mute | mute käldee]- 1 2 3 Valkeapolku, Valtteri: Ruošâst lii tábáhtum 8,8 magnitud eennâmtuárgástâs anarasaavis.fi. 31.7.2025. Čujottum 1.8.2025.