Johannes Pietsch
| Johannes Pietsch | |
|---|---|
 | |
| Persovntiäđuh | |
| Šoddâm | cuáŋuimáánu 29. peeivi 2001 |
| Šoddâmsaje | Wien, Nuorttâriijkâ |
| Aalmugjeessânvuotâ |  Nuorttâriijkâ |
| Musikkár | |
| Artistnommâ | JJ |
| Lávlumkielah | eŋgâlâs- já italiakielâ |
| Aktiivlâžžân | 2020– |
| Genreh | popmuusik, ooppera |
|
| |
Johannes Pietsch (š. cuáŋuimáánu 29. peeivi 2001 Wien, Nuorttâriijkâ) lii nuorttâriijkâlâš lávloo-laavlârähtee. Sun lii tobdos meiddei artistnoomáin JJ. Sun ovdâstij Nuorttâriijkâ ive 2025 Euroviisuin pitáinis Wasted Love Baselist Sveeicist já vuoitij ubâ kišto, ko sun uážui ohtsis 436 čyegisid.
Eellim
[mute | mute käldee]Johannes Pietsch šoodâi cuáŋuimáánu 29. peeivi 2001 Wienist Nuorttâriijkâst. Suu eeči lii nuorttâriijkâlâš IT-äššitobdee, já suu enni filippiinlâš kokkâ. Pietsch rávásmij Dubaist, kost sun juuđij Deutsche Internationale Schule Dubai.[1]
Ive 2016 peerâ maacâi Wienân.[1] Tobbeen sun jođeškuođij Wiener Gymnasium Wenzgasse, mast sun valmâštui ive 2020. Tast maŋa Pietsch jođeškuođij Wiener Staatsoper oopperaškoovlâ já luvâškuođij muusik Wien muusik- já taaiđâollâopâttuvâst (MUK).[2]
Karrieer
[mute | mute käldee]Pietsch lávlumjienâ lii eromâš ollâ kontrateenoor, mii olá nisonij sopraano aloduvváid. Nuorâ avestis huolâhánnáá Pietsch lii jo lekkâm pálgás klassiklii muusik maailmân. Sun láávlui TV ornim Starmania-lávlumkištoost, já sun peesâi finalân ive 2021. Artist lii lávlum meid Wien statâoopperast, já sun lii lamaš fáárust maaŋgâin puovtâdmijn, tego Tijdâhuilu (Die Zauberflöte), Von der Liebe Tod já Tschick.[2]
Euroviisuh 2025
[mute | mute käldee]Uddâivemáánu 30. peeivi 2025 Nuorttâriijkâ almosradiofinnodâh ORF almottij, ete JJ oovdâst Nuorttâriijkâ eŋgâlâskielâg pitáinis Wasted Love ive 2025 Euroviisuin Baselist Sveeicist.[3][4] Euroviisuin sun uážui ohtsis 436 čyegisid já vuoitij ubâ kišto. Wasted Love finnij tievâ čuággáid käävci eennâm tuámárijn: Belgiast, Suomâst, Saksaast, Irlandist, Latviast, Vuáládâhenâmijn, Taažâst já Ruotâst. Ton čuággáin 258 pottii áámmátraađijn já 178 čyegisid keččein. Tievâ keččeečuággáid tot ij kuittâg finnim oovtâgin enâmist.[2]
Diskografia
[mute | mute käldee]Singleh
[mute | mute käldee]Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Johannes Pietsch.
Käldeeh
[mute | mute käldee]- 1 2 Vom Staatsopern-Talent zum ESC-Star: JJs unglaublicher Aufstieg Kosmo. 18.5.2025. Arkkâdistum Čujottum 20.5.2025. (saksakielân)
- 1 2 3 Olthuis, Marja-Liisa: Euroviisui 2025 vyeittee lii Nuorttâriijkâ – Fáárust ennuv syemmilâš pargo anarasaavis.fi. 19.5.2025. Čujottum 19.5.2025.
- ↑ Meet Austria's artist for Basel - JJ EBU. 31.1.2025. Eurovision.tv. Čujottum 1.2.2025. (eŋgâlâskielân)
- ↑ 🇦🇹 Austria: “Wasted Love” to be Released in March EBU. 2.2.2025. Eurovoix. Čujottum 13.2.2025. (eŋgâlâskielân)
