Jiella
| Jiella Niilo ja nieiddat |
|
|---|---|
| Tiäđuh | |
| Aktiivlâžžân | 1999–2007 |
| Stijlâšlaajâ | pop |
| Lávlumkielâ | pajekielâ |
| Jesâneh |
Niilo Rasmus, syntetisaattor |
| Skiärrufinnodâh | |
Jiella, aalgâst tobdos noomáin Niilo ja nieiddat lâi ive 1999 vuáđudum sämmilâš muusikjuávkku.[1] Veikkâ muusikjuávkku jaskodij ive 2007[2], tot lii kuittâg lávdástâm tastmaŋa-uv.[3]
Historjá
[mute | mute käldee]Jo ive 1996 ovdil muusikjuávhu vuáđudem Niilo Rasmus lâi nuottim pitá Gosnu, mast šoodâi maŋadist Jiella vuossâmuu studioalbum nommâ.[4] Niilo vuáđudij muusikjuávhu noomáin Niilo ja nieiddat, ko muusikjuávkku lávdástškuođij ive 1999.[5] Ovdil vuossâmuu skiäru almostittem Niilo kuittâg molsoi muusikjuávhu noomâ. Juávhu uđđâ nommâ lâi Jiella.
Ive 2002 Jiella uásálistij Sámi Grand Prix -kišto lávlumuásán pittáin Čeavli, mut ij vuáittám.[6][5] Siämmáá ive roovvâdmáánust muusikjuávhu vuossâmuš skiärru Gosnu almostui. Taat lii áinoo skiärru, mast niäljád nieidâ lii fáárust.
Neelji ive maŋa muusikjuávkku almostitij uđđâ skiäru Eallinbálgát.[7] Skiäru pittáin kuulmâ lii Inger-Mari Aikio-Arianaick sannim já oovtâ Ilmari Rasmus.
Jiella pitáh čuáijojeh vala-uv maaŋgâin radiokanavain Säämist.
Jesâneh
[mute | mute käldee]Juávkun kullii Niilo lasseen suu nieidah Eeva-Liisa, Jenna já maŋeláá Titta.[2][5][8] Sii lasseen Niilo niäljád nieidâ Mia ij kuullâm virgálávt muusikjuávkun, mut sun lávdástij Jiella vuossâmuu albumist.
Diskografia
[mute | mute käldee]Studioalbumeh
[mute | mute käldee]Nurâldâhskiäruh
[mute | mute käldee]- 2002 – Sámi Grand Prix 2002, pittáin Čeavli[9]
- 2007 – Ima Ipmašat: Mánáidlávlagat, pittáin Sierra Muorat[10][11]
Käldeeh
[mute | mute käldee]- ↑ Lehtola, Jorma: Laulujen Lappi: tarinoita haavemaasta, s. 346. Jyväskylä: Kustannus-Puntsi, 2007. ISBN 978-952-5343-33-5 (suomâkielân)
- 1 2 Aikio, Piibe: Sámepopjoavku Jiellas leat vuordimis ođđa bihtát Yle Säämi. 20.5.2026. Čujottum 20.5.2026. (orjâlâškielân)
- ↑ Ravna-Pieski, Hans já Länsman, Kaija: Jiella biekkastii lávddi ala 15 jagi maŋŋá – Olbmot viimmáskedje ja joreštedje dego hummut Gieddemiellis Yle Säämi. 8.7.2024. Čujottum 20.5.2026. (orjâlâškielân)
- ↑ Juntto, Anssi: Perhe yhdistää Jiellaa Kaleva. 15.9.2006. Arkkâdistum Čujottum 20.5.2026. (suomâkielân)
- 1 2 3 4 5 Hætta, Wenche Marie: Bearaš-joavku Jiella NRK Sápmi. 21.4.2008. Čujottum 20.5.2026. (orjâlâškielân)
- ↑ Hætta, Wenche Marie: Hvem-Hva-Når om Sámi Grand Prix NRK Sápmi. 29.3.2007. Čujottum 20.5.2026. (tárukielân) já (orjâlâškielân)
- ↑ Pulk, Åse: Sámi krimromána árvvoštallojuvvo NRK Sápmi. 2.2.2007. Čujottum 20.5.2026. (orjâlâškielân)
- ↑ Saamelaisalueen koulutuskeskuksen rehtori Eeva-Liisa Rasmus-Moilanen: ”Vaativa asiantuntijatyö onnistuu etänä Utsjoelta” Ucjuv kieldâ. Čujottum 20.5.2026. (suomâkielân)
- ↑ Sami Grand Prix 2002 Deezer. Čujottum 20.5.2026. (eŋgâlâskielân)
- ↑ Various – Ima Ipmašat - Mánáidlávlagat Discogs. Čujottum 20.5.2026. (eŋgâlâskielân)
- ↑ Guttorm, Kjell Are: Beakkánat mielde ođđa CD:s NRK Sápmi. 17.12.2007. Čujottum 20.5.2026. (orjâlâškielân)