Jeppis Pride
Jeppis Pride lii ive 2014 vuáđudum pridefestivaal, mii uárnejuvvoo Pietarsaarist Suomâst.
Historjá
[mute | mute käldee]Ive 2014 Jeppis Pride
[mute | mute käldee]Pietarsaari já Suomâ vuossâmuš ruotâkielâlâš pridefestivaal Jeppis Pride aalgij syeinimáánu 25. peeivi 2014.[1][2] Kaavpughovdâ Mikael Jakobsson tooimâi festivaal suojâleijen.[2][3][4]
Motomeh páiháliih suomâkielâliih ulmuuh kuittâg protestistii korrâ jienáin el. tast, ete páiháliih loostah aiguu muštâliđ tábáhtusâst já ete Pietarsaari kaavpug ááigui keessiđ arvetävgiliipu stáágun Pietarsaari räđiviäsu já kaavpugtáálu oovdân.[4][5][6] Särnistis lekkâmtilálâšvuođâst Jakobsson tiäduttij, ete pridefestivaal lii kal puohháid.[2] Taidâreh Heidi Lunabba já Ilar Gunilla Perssen rahtijn normâkriittisii siärvustaaiđâproojeekt Pivtâspäddi, mon ulmen lâi viestâdiđ kietâtuojij peht seksuaal- já suhâpeliucceeblovvoid, ete ohtsâškoddeest láá ennuv ulmuuh, kiäh tuárjuh sii, veik taat toorjâ ij veltihánnáá ain oinuu.[7][8]
Fáruluvâi jottee juávkku vuolgij Pursisalmi škoovlâ čievrâšiljoost já moonâi Skata čoođâ muusikkähviviäsun After Eightân.[8][9] Tastmaŋa ehidist lijjii lávlum, konsert já vuossâmuu Årets Träsko -palhâšume keigimtilálâšvuotâ. palhâšume uážui Marina Furubacka.[9] Uárnejeijeeh vuordii, ete festivaalân uásálistáččii 200–400 olmožid, mut toos uásálistii-uv suulân 2 000 olmožid.[3][9]
Ive 2024 Jeppis Pride
[mute | mute käldee]Jeppis Pride uárnejui nube keerdi ive 2024. Toos uásálistii suulân 1 000 olmožid.
Årets Träsko -palhâšume
[mute | mute käldee]Jeppis Pride ohtâvuođâst juáhhoo Årets Träsko -palhâšume ulmuid teikkâ ornijduumijd, moh láá čáittám ruokkâdvuođâ já piäluštâm seksuaal- já suhâpeliucceeblovoi vuoigâdvuođâid Pietarsaari kuávlust.[9]
Palhâšume vyeitteeh
[mute | mute käldee]Käldeeh
[mute | mute käldee]- ↑ Latvala, Johanna: Pietarsaaren Pride-uutisointi suututtaa – lehteä syytetään hysterian ja homopropagandan levittämisestä Yle Uutiset. 13.8.2014. Čujottum 4.7.2021. (suomâkielân)
- 1 2 3 Finne, Johan: Pride i Jakobstad har startat Qx. 25.7.2014. Čujottum 16.6.2025. (ruotâkielân)
- 1 2 Löv, Mikaela: Jeppis Pride är tillbaka efter tio år: ”Kampen ser olika ut, men pride behövs överallt” Yle. 18.7.2024. Čujottum 16.6.2025. (ruotâkielân)
- 1 2 3 Vikman, Kjell: KD vill slippa flaggning under Jeppis Pride Svenska Yle. 28.5.2014. Čujottum 4.7.2021. (ruotâkielân)
- ↑ Kyheröinen, Joni: Jakobstad flaggar med regnbågens färger Svenska Yle. 26.5.2014. Čujottum 4.7.2021. (ruotâkielân)
- ↑ Södergård, Andrea: Lågmäld aktivism på Titanik Åbo Underrättelser. 7.8.2015. Čujottum 4.7.2021. (ruotâkielân)
- ↑ Vähäsarja, Sari: Sateenkaaren väreissä hehkuva pyykkinaru kertoo tuesta Jeppis Pridessä Yle Uutiset. 27.5.2014. Čujottum 4.7.2021. (suomâkielân)
- 1 2 Högkulla, Pirkko: Jeppis Pridessä viritellään toistamiseen pyykkinaruja sateenkaaren väreissä - ”Sateenkaari-ihmisiä syntyy koko ajan aivan kaikkialla” Pietarsaaren Sanomat. 25.6.2024. Čujottum 15.6.2025. (suomâkielân)
- 1 2 3 4 5 Kjellman, Martin: Jeppis Pride tog staden med storm Vasabladet. 26.7.2014. Čujottum 16.6.2025. (ruotâkielân)