Jeʹvida
Jeʹvida lii ive 2023 almostum nuorttâlâškielâg tievâkukkosâš elleekove, mon lává čáállám Katja Gauriloff já Niillas Holmberg.[1][2] Gauriloff lii meid stivrim tom.[2] Jeʹvida lii čapisvielgis elleekove, mii muštâl elimist nuorttâlij asâttâhškoovlâst.[3] Elleekove vuosâeehid lâi kesimáánust 2023 Tribeca elleekovefestivaalist New Yorkist.[4] Suomân elleekove poođij elleekoveteatteráid čohčâmáánust 2023.[4]
Je’vida lii fiktiivlâš elleekove, mutâ ton tyehin láá maaŋgah muštâlusah já mainâseh.[3] Gauriloff lii kuullâm muštâlusâid suu jieijâs huolhijn, mutâ meiddei ulmuin Čevetjäävrist.[3] Toh láá vaiguttâm Gauriloffân já láá siämmást muttám suu.[3] Muštâlusah eromâšávt asâttâhaaigijn uáinojeh meiddei elleekooveest.[3] Elleekove fáddá lii-uv eidu tot, maht asâttâhargâ vaaigut suhâpuolvâi čoođâ.[3]
Čaittâleijeeh
[mute | mute käldee]| Čaittâleijee | Roolâ |
|---|---|
| Agafia Niemenmaa | Jeʹvida |
| Seidi Haarla | Sanna |
| Sanna-Kaisa Palo | Iida/Jeʹvida rävisolmožin |
| Matleena Fofonoff | Jeʹvida ákku |
| Heidi Gauriloff | Jeʹvida nuorâ rävisolmožin |
| Erkki Gauriloff | Jeʹvida eeči |
| Sophia Kiprianoff | Jeʹvida uábbi, Anni |
| Heini Wesslin | Jeʹvida enni |
| Sara Sulander | Niina |
| Timo Vuento | etnograf |
| Johannes Holopainen | Lauri |
| Jarkko Lahti | máttáátteijee |
| Emmi Parviainen | asâttâhhoittájeijee |
| Jouni-Ante Angeli | Iʹllep |
| Maarit Kiprianoff | Feäddsi |
| Timo Metsäjoki | radiolaiđiisteijee |
Plaakaat
[mute | mute käldee]Je’vida plaakaat, mon raahtij Pauliina Heikkinen, vuoitij plaakaatkišto ive 2024 Espoo Ciné -elleekovefestivaalist. Kišto vyeittee valjij kovetaaidâr Teemu Keisteri ađai ive 2024 Suomâ Euroviisui ovdâsteijee.[5]
Keejâ meid
[mute | mute käldee]Käldeeh
[mute | mute käldee]- ↑ Fofonoff, Suvi-Tuuli: Jeʹvida-fiiʹlm vueiʹvvroolin toobdâs nõõm sääʹmõutstõõzzâst da lääʹdd fiʹlmm-maaiʹlmest – fiiʹlm maaiʹlm vuõssjeäʹǩǩääž ǩieʹssmannust New Yoorkâst Yle Säämi. 20.4.2023. Čujottum 21.4.2023. (nuorttâlâškielân)
- 1 2 Je'vida IMDb. Čujottum 21.4.2023. (eŋgâlâskielân)
- 1 2 3 4 5 6 Gahmberg, Emma: ”Mun lam nievdâm taan elleekove rähtim aainâs-uv 15 ihheed”, Katja Gauriloff muštâl elleekovestis Je’vida anarasaavis.fi. 24.6.2024. Čujottum 23.6.2024.
- 1 2 Paltto, Anni-Saara: Je'vida máilmmi vuosttas eahkedii geassemánus New Yorkas Yle Säämi. 20.4.2023. Čujottum 21.4.2023. (orjâlâškielân)
- ↑ Schreck, Jasmina: Jeʹvida lii vuáittám taan ive Espoo Ciné -elleekovefestivaal plaakaatkišto anarasaavis.fi. 4.9.2024. Čujottum 4.9.2024.