Ive 2025 koŋklaav
Ive 2025 koŋklaavist ovtâstumstaatâlâš kardinaal Robert Francis Prevost väljejui katolilii kirho 267. paavin tijme 19:07 vyesimáánu 8. peeivi.[1] Sun valjij paavinommânis Leo XIV.[2] Taat lâi vuossâmuš kerdi, ko ovtâstumstaatâlâš kardinaal väljejui paavin.[2] Prevost lâi mottoomnáál olâttâsvaljim, tastko suu ameriklâšvuotâ onnui maŋgâs mielâst eestân suu valjiimân. Sun ij lam nomâttum kievrâmui paavikandidaatij nommân ollágin.[3]
Tábáhtussaje
[mute | mute käldee]
Historjá
[mute | mute käldee]Paavi Franciscus jaamij cuáŋuimáánu 21. peeivi 2025. Okko maŋeláá uárnejui sierrejum kardinaalčuákkim, mii meridij, ete uđđâ paavi valjimproosees álgáččij vyesimáánu 7. peeivi.[4]
Vaaljâtohálâšvuotâ
[mute | mute käldee]Kardinaaleh, kiäh iä lamaš vala tiävdám 80 ihheed paavi jäämmimpeeivi ađai lijjii šoddâm cuáŋuimáánu 21. peeivi 1945 teikkâ ton maŋa, ožžuu jienâstiđ koŋklaavist.[4] Tagareh kardinaaleh lijjii ohtsis 135, mut Antonio Cañizares Llovera já John Njue iävá puáhtám uásálistiđ koŋklaavân tiervâsvuotâčuolmâi keežild.[5] Sunnuu lasseen meiddei Vinko Puljić lâi almottâm, ete sungin ij ááigu uásálistiđ tiervâsvuotâčuolmâi keežild, mut loppâloopâst sun lâi kuittâg fáárust.[6]
Jienâstem
[mute | mute käldee]Paavi valjiimân tarbâšui kyevti kuálmádâs eenâbloho puoh jienâin ađai toos tarbâšuvvii ucemustáá 89 jiennâd.[4] Koŋklaav vuossâmuu eehid vaaljâtoháliih kardinaaleh jienâstii ohtii.[4] Čuávuváá peeivi sij jienâstii kuohtii iđedist já ohtii ehidispeeivi. Paavi väljejui niäljádáin jienâstmáin.[3]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ive 2025 koŋklaav.
Käldeeh
[mute | mute käldee]- ↑ Giuffrida, Angela já Sherwood, Harriet: White smoke from Sistine Chapel chimney signals election of new pope The Guardian. 8.5.2025. Čujottum 8.5.2025. (eŋgâlâskielân)
- ↑ a â Rich, Motoko: Pope Leo XIV, Born in Chicago, Is the First American Pontiff New York Times. 8.5.2025. Vyerkkejum 8.5.2025. Čujottum 8.5.2025. (eŋgâlâskielân)
- ↑ a â Olthuis, Marja-Liisa: Vielgis suovâ Vatikaan Sikstus kappelist: uđđâ paavi lii väljejum anarasaavis.fi. 9.5.2025. Čujottum 9.5.2025.
- ↑ a â b c Olthuis, Marja-Liisa: Koŋklaav uđđâ paavi valjiimân álgá vyesimáánu 7. peeivi anarasaavis.fi. 1.5.2025. Čujottum 8.5.2025.
- ↑ Millare, Kristina: 2 cardinal electors, from Spain and Kenya, will not attend upcoming conclave Catholic News Agency. 30.4.2025. Čujottum 8.5.2025. (eŋgâlâskielân)
- ↑ Puljić neće sudjelovati u izboru pape Bljesak.info. 21.4.2025. Čujottum 8.5.2025. (kroatiakielân)