Ive 2023 Čeeki presidentvaaljah
Ive 2023 Čeeki presidentvaaljah láá presidentvaaljah, moh uárnejuvvojii Čeekist uđđâivemáánust 2023. Tááláš president Miloš Zeman ij lamaš iävtukkâssân täin vaaljâin, tastko sun lâi jo toimâm kyehti paje maŋaluvâi Čeeki presidentin.
Vaaljâi vuossâmuš jienâstemkerdi uárnejui uđđâivemáánu 13.–14. peeivi 2023. Ko kihheen ij finnim paijeel pele adelum jienâin, te vaaljâin uárnejui meid nubbe jienâstemkerdi uđđâivemáánu 27.–28. peeivi 2023. Vuossâmuu jienâstmist kyehti enâmustáá jienâid finnim iävtukkâskyevtis Petr Pavel já Andrej Babiš láin iävtukkâssân nube jienâstmist.
Nube jienâstmist Petr Pavel finnij 57,6 % jienâin, já te sun väljejui Čeeki presidentin.[1] Pavel algâttij Čeeki president virgeest njuhčâmáánu 9. peeivi 2023.[2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Ive 2023 Čeeki presidentvaaljah.
Käldeeh
[mute | mute käldee]- ↑ Cameron, Rob já Zaccaro, Maria: Petr Pavel: Ex-general beats populist rival in Czech election BBC. 28.1.2023. Čujottum 29.1.2023. (eŋgâlâskielân)
- ↑ Inaugurace nově zvoleného prezidenta Petra Pavla proběhne 9. března, oznámila předsedkyně Sněmovny iRozhlas. 28.1.2023. Čujottum 29.1.2023. (čeekikielân)