Inari Saami Wikimedians User Group
Inari Saami Wikimedians User Group lii anarâškielâlij wikipedistei kevtteejuávkku, mon Wikimedia-siäđus tuhhiittij ive kukkosii iskosááigán juovlâmáánu 15. peeivi 2024.[1] Anarâškielâ lii vuossâmuš sämikielâ, mii lii uážžum jieijâs Wikimedia-kevtteejuávhu.[2]
Wikimedia-kevtteejuávkku tuárju anarâškielâlii Wikipedia já eres-uv Wikimedia-projektij ovdedem. Siämmást tot naanood anarâškielâ sajattuv digitaallii maailmist já fáálá pyerebijd máhđulâšvuođâid orniđ škovliimijd, tábáhtusâid já ohtsâšpargohaavâid eres kielâucceeblovoiguin já Wikimedia-projektijguin.[2]
Juávhu vuáđudem tuáváást lii siärváduv kielâiäláskittempargo, vâi anarâškielâ siäiluččij já ličij eenâb uáinimnáál meiddei aalmugijkoskâsii tääsist.[2]
Iskospaje
[mute | mute käldee]Inari Saami Wikimedians User Group -kevtteejuávkku tuhhiittui ive kukkosii iskosááigán juovlâmáánu 15. peeivi 2024. Siämmáá peeivi aalgij meiddei iskospaje. Ton ääigi ulmen lii lasettiđ uđđâ siskáldâs anarâškielâlii Wikipedian, pyerediđ puáris artikkâlijd já hokâttâllâđ fáárun uđđâ čälleid já lohheid.[2]
Ive kukkosii iskosääigi maŋa Wikimedia-siäđus árvuštâl juávhu tooimâ já ton vaikuttâs siärvádâhân já kielâkuávlun. Jis puátuseh láá positiivliih, te Inari Saami Wikimedians User Group -juávkku šadda fastâ Wikimedia-kevtteejuávkkun.[2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Inari Saami Wikimedians User Group.
- Kevtteejuávhu sijđo (eŋgâlâskielân)
Käldeeh
[mute | mute käldee]- ↑ Affiliations Committee/Resolutions/2024/Recognition of Inari Saami Wikimedians User Group meta.wikimedia.org. Čujottum 27.2.2025. (eŋgâlâskielân)
- ↑ a â b c č Brecciaroli, Fabrizio: Anarâškielâ siärvádâh lii uážžum jieijâs Wikimedia-kevtteejuávhu ive kukkosii iskosááigán anarasaavis.fi. 27.2.2025. Čujottum 27.2.2025.