George Foreman
 | ||
| Miitaalsajeh | ||
 Olympialiih
| ||
|
México 1968 | Lusis tiädduluoka |
George Foreman (10. uđđâivemáánu 1949 Marshall, Texas, Ovtâstum staatah – 21. njuhčâmáánu 2025 Houston, Texas, Ovtâstum staatah)[1] lâi ovtâstumstaatâlâš čurmâdâttee já finnodâholmooš.
Eellim já karrieer
[mute | mute käldee]Foreman vuoitij kole ive 1968 kesiolympialijn Meksikost. Lusis tiädduluoka miäštárin sun šoodâi ive 1973, ko sun vuoitij Joe Frazier Kingstonist Jamaikast. Foreman piäluštij miäštárvuođâs kuohtii, mut ive 1974 sun táppái Muhammad Alin historjálii Rumble in the Jungle -čurmâdâttâmkištoost Kinshasast tallaa Zairest, mii lii taan ääigi Kongo demokraatlâš täsiväldi.[2]
Ive 1977 Foreman jooskâi kištottâlmist já porgâškuođij särnideijen Hiärrá Jeesus Kristus kirhoost (eŋg. Church of the Lord Jesus Christ) Texasist. Sun meid vuáđudij nuorâi kuávdáá.[2]
Love ihheed maŋeláá Foreman maacâi kištottâllâđ, vâi sun finniiččij lase ruuđâ jieijâs nuorâikuávdážân. Sun vuoitij miäštárpuáhháá nube keerdi ive 1994 Michael Moorer vuástá 45-ihásâžžân. Návt Foremanist šoodâi puárásumos lusis tiädduluoka miäštár čurmâdâttâm historjást. Foreman kištottâlâi majemuu keerdi ive 1997. Áámmátlii karrieersis ääigi sun vuoitij 76 kištod já táppái vittii.[2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást George Foreman.
Käldeeh
[mute | mute käldee]- ↑ George Foreman www.britannica.com. 22.3.2025. Čujottum 26.3.2025. (eŋgâlâskielân)
- ↑ a â b Schreck, Jasmina: Čurmâdâtteelegenda George Foreman lii jáámmám anarasaavis.fi. 26.3.2025. Čujottum 26.3.2025.