Geävrrie
Geävrrie lii umesämikielâlâš videospellâ, mii almostui roovvâdmáánust 2025. Spellâ lii sarnum ollásávt umesämikielân, já tot lii maailm vuossâmuš umesämikielâg videospellâ.[1]
Spellâ maainâst sämiruumbust, mii lii kavnum Ranskaast. Kuhháá Säämist meddâl lamaš rumbu lii monâttâm vuoimijdis, já spellee pargon lii macâttiđ taid. Siämmást spellee uáppá kielâst já kulttuurist. Speelâ rumbu vuáđuduvá olmâ ruumbun, mii tolvui museon Raanskan 1700-lovvoost. Ive 2024 rumbu luoihâttui Ájtte-museon Ruotâ Juhâmohheest. Speelâ mainâs lává čáállám Anna Nutti Wiandt já Sara Ajnnak.[1]
Geävrrie ovdedui N-LITE-projektist, mii lii ruttâdum Euroop union Northern Periphery and Arctic -ohjelm peht. Spellâ lii uási stuárráb speelâst, mon nommâ lii Tale Smiths. Taat spellâ fáálá mainâsijd já fiäránijd, moh vuáđuduveh Suomâ, Ruotâ, Taažâ, Irland já Färsuollui ärbivuovvijd. Tale Smiths almostui nuuvtá tiäturân Steam-palvâlusâst 30.10.2025.[2]
Käldeeh
[mute | mute käldee]- ↑ a â Valkeapolku, Valtteri: Maailm vuossâmuš umesämikielâlâš videospellâ Geävrrie lii almostum anarasaavis.fi. 23.10.2025. Čujottum 24.11.2025.
- ↑ Tale Smiths, an Immersive Literary Tourism Game from the N-LiTe Project, Launched Worldwide on Steam on 30.10.2025 Kainuun liitto. 30.10.2025. Čujottum 24.11.2025. (eŋgâlâskielân)