Euroviisuh-lávlumkišto 2026
Euroviisuh-lávlumkišto 2026 lâi 70. kerdi, ko lávlumkišto uárnejui. Kišto uárnejui Wienist Nuorttâriijkâst tondiet ko Nuorttâriijkâ ovdâsteijee JJ vuoitij ive 2025 kišto, ko sun finnij finalist 436 čyegisid pitástis Wasted Love.[1][2] Kišto uárnejii Euroop almosradiounion (EBU) já Nuorttâriijkâ almosradiofinnodâh ORF.
Semifinaleh uárnejuvvojii vyesimáánu 12. peeivi já 14. peeivi 2026.[2] Fiinaal uárnejui vyesimáánu 16. peeivi 2026.[2] Ive 2026 lâi kuálmád kerdi, ko Euroviisuh uárnejuvvojii Wienist. Euroviisuh uárnejuvvojii tobbeen meiddei iivij 1967 já 2015.[2] Bulgaria ovdâsteijee Dara finnij finalist 516 čyegisid pitástis Bangaranga já vuoitij kišto. Sun finnij aalmugijkoskâsijn áámmátraađijn 204 čyegisid já telejienâstmist 312 čyegisid.[3]
Ive 2026 Euroviisuid uásálistii 35 staattâd.[4] Kulmâ staatâ maccii kiišton: Bulgaria maacâi kuulmâ ive maŋa, Romania kyevti ive maŋa já Moldova oovtâ ive maŋa[4][5] Toos lasseen vittâ staatâ kiesâdâđâi kištoost, tastko Israel uážui uásálistiđ kiišton Gazan vollitmist huolâhánnáá.[6][7] Taah staatah lijjii Vuáládâhenâmeh, Espanja, Irland, Island já Slovenia.[6][7]
Tábáhtussajeh
[mute | mute käldee]
Ive 2026 Euroviisui tábáhtussaijeen lâi maaŋgâtoimâareena Wiener Stadthalle Wienist Nuorttâriijkâst. Tot lii Nuorttâriijkâ stuárráámus maaŋgâtoimâareena. Toos čäähih 16 152 olmožid. Siämmáá saajeest uárnejuvvojii meiddei ive 2015 Euroviisuh.
Eres tábáhtussajeh lijjii Euroviisuh-sijdâ Wien Rathausplatzist ađai Wien räđiviäsutori.[8] Tobbeen lâi máhđulâš keččâđ Euroviisui semifinalijd já fiinaal 15 stuorrâ elektronlâš vielgiskággá peht, jis ij lamaš lippu Stadthallen. Toos lasseen kišto uásálisteeh já páihálâš artisteh lávdástii Euroviisuh-siijdâst jyehi peeivi. Prater Dome ijjâkerhoost uárnejuiEuroClub, mast lijjii virgáliih jotkâjuhleh já mast kišto uásálisteeh lávdástiipriivaatkonsertijd.
Vyesimáánu 10. peeivi uárnejui nk. turkoos ráánu. Taan tábáhtuumeest kišto artisteh já sii delegaatioh vazzii Burgtheaterist räđiviäsumuorâstuv čoođâ Wien räđiviäsutorin. Taat lâi vuossâmuš kerdi, ko toimâtteijeeh já artistij fanih pessii uáiniđ taan ive artistijd. Turkoos ráánu -tábáhtume maŋa tollui Euroviisui lekkâmseremonia.
Euroviisuh-sijdâ, Wien Burgtheater tuáváást
Turkoos ráánu Euroviisuh-siijdâst
.jpg)
Formaat
[mute | mute käldee]Jođetteijeeh já čielgejeijeeh
[mute | mute käldee]Ive 2026 jođetteijei noomah piäijojii almosin uđđâivemáánu 29. peeivi 2026.[9] Wienist kišto jođetteijen láin nuorttâriijkâlâš TV-läiđejeijee já lávloo Victoria Swarovski já nuorttâriijkâlâš čaittâleijee já kietâčällee Michael Ostrowski.[9]
.jpg)
Ive 2026 Euroviisui fiinaal čielgejui anarâš- já tavesämikielân. Ovdil čielgejuvvojii kuohtuid kieláid semifinaleh-uv.[10] Ovdebij iivij läiđejeijeekyevtis Heli Huovinen já Aslak Paltto iävá laiđim taan ive, pic Mikkâl Morottaja laiđij anarâškielân já Xia Torikka pajekielân.[11] Nubbe iäru ovdebáid ivvijd lâi tot, ete Pasila saajeest suoi laiđijn Aanaar maaŋgâtoimâstudiost.[10]
Juávhoid jyehim semifinalij várás
[mute | mute käldee]Uásálisteh juáhhojii viiđâ juávkun uđđâivemáánu 12. peeivi 2026.[12] Jyehim vuáđudui ovdebij iivij jienâstmáid. Ranska, Saksa, Italia, Ovtâstum kunâgâskodde já oovdeb ive vyeittee Nuorttâriijkâ pessii njuolgist finalân.
| Juávkku 1 | Juávkku 2 | Juávkku 3 | Juávkku 4 | Juávkku 5 |
|---|---|---|---|---|
Uásálisteeh
[mute | mute käldee]Gaza tile keežild maaŋgah lijjii vaattâm, ete Israel ij uážuččii uásálistiđ taan ive Euroviisuid, mut skammâmáánu 4. peeivi 2025 EBU almottij, ete Israel uážžu uásálistiđ.[6] EBU almottâs maŋa Vuáládâhenâmeh, Espanja, Irland já Slovenia almottii, ete sij boikotisteh taan ive Euroviisuid.[6] Juovlâmáánu 10. peeivi Island seervâi boikotân.[7] Motomeh artisteh lijjii macâttâm palhâšumepokalis tondiet ko Israel uásálist Euroviisuid.[13]
Bulgaria máccá kiišton kuulmâ ive maŋa, Romania kyevti ive maŋa já Moldova oovtâ ive maŋa.[5]
Semifinaleh
[mute | mute käldee]Nubenáál ko ive 2025 Euroviisuin, ko puoh semifinalist adelum jienah lijjii tuše keččei jienah, taan ive sehe keččeeh já rääđi jienâstii täid artistijd, kiäh pessii čoođâ finalân.
Semifiinaal 1
[mute | mute käldee]
Vuossâmuš semifiinaal uárnejui vyesimáánu 12. peeivi 2026, já toos uásálistii vittnubáloh enâmid.[14] Italia, Saksa já enâmeh, main ij lamaš ovdâsteijee kištoost, jienâstii taan semifinalist. Enâmeh, moh lijjii love pyeremuu juávhust semifinalist, uásálistii finalân vyesimáánu 16. peeivi 2026. Love čoođâmannee enâmid almottuvvojii sätioornigist.
Lopâlâš lávdástâllâmoornig almostittui cuáŋuimáánu 2. peeivi 2026.[15][16] Veikkâ Italia já Saksa pessii njuolgist finalân, toh-uv lávdástii vuossâmuu semifiinaal ääigi, Italia Georgia maŋa já Saksa Israel maŋa.[15]
| Nr. | Eennâm | Artist | Pittá | Kielâ teikkâ kielah | Čuággáh | Saje |
|---|---|---|---|---|---|---|
| 1 |  Moldova |
Satoshi | Viva, Moldova! | romaniakielâ | 208 | 4 |
| 2 |  Ruotâ |
Felicia | My System | eŋgâlâskielâ | 96 | 9 |
| 3 |  Kroatia |
Lelek | Andromeda | kroatiakielâ | 175 | 6 |
| 4 |  Kreikka |
Akylas | Ferto | kreikakielâ | 159 | 7 |
| 5 |  Portugal |
Bandidos do Cante | Rosa | portugalkielâ | 74 | 12 |
| 6 |  Georgia |
Bzikebi | On Replay | eŋgâlâskielâ | 5 | 15 |
| 7 |  Suomâ |
Linda Lampenius já Pete Parkkonen | Liekinheitin | suomâkielâ | 227 | 3 |
| 8 |  Montenegro |
Tamara Živković | Nova zora | montenegrokielâ | 71 | 13 |
| 9 |  Eestieennâm |
Vanilla Ninja | Too Epic to Be True | eŋgâlâskielâ | 79 | 11 |
| 10 |  Israel |
Noam Bettan | Michelle | ranska-, heprea- já eŋgâlâskielâ | 269 | 1 |
| 11 |  Belgia |
Essyla | Dancing on the Ice | eŋgâlâskielâ | 91 | 10 |
| 12 |  Liettua |
Lion Ceccah | Sólo quiero más | liettuakielâ, eŋgâlâskielâ | 101 | 8 |
| 13 |  San Marino |
Senhit | Superstar | eŋgâlâskielâ | 41 | 14 |
| 14 |  Puola |
Alicja | Pray | eŋgâlâskielâ | 247 | 2 |
| 15 |  Serbia |
Lavina | Kraj mene | serbiakielâ | 187 | 5 |
Semifiinaal 2
[mute | mute käldee]Nubbe semifiinaal uárnejui vyesimáánu 14. peeivi 2026, já toos uásálistii vittnubáloh enâmid.[14] Ranska, Nuorttâriijkâ, Ovtâstum kunâgâskodde, já enâmeh, main ij lamaš ovdâsteijee kištoost, jienâstii taan semifinalist. Enâmeh, moh lijjii love pyeremuu juávhust semifinalist, uásálistii finalân vyesimáánu 16. peeivi 2026. Love čoođâmannee enâmid almottuvvojii sätioornigist.
Lopâlâš lávdástâllâmoornig almostittui cuáŋuimáánu 27. peeivi 2026.[15][16] Veikkâ Ranska, Nuorttâriijkâ já Ovtâstum kunâgâskodde pessii njuolgist finalân, toh-uv lávdástii nube semifiinaal ääigi, Ranska Čeeki maŋa, Nuorttâriijkâ Kypros maŋa já Ovtâstum kunâgâskodde Ukraina maŋa.[15]
| Nr. | Eennâm | Artist | Pittá | Kielâ teikkâ kielah | Čuággáh | Saje |
|---|---|---|---|---|---|---|
| 1 |  Bulgaria |
Dara | Bangaranga | eŋgâlâskielâ | 278 | 1 |
| 2 |  Azerbaidžan |
Jiva | Just Go | eŋgâlâs- já azerbaidžankielâ | 2 | 15 |
| 3 |  Romania |
Alexandra Căpitănescu | Choke Me | eŋgâlâskielâ | 234 | 2 |
| 4 |  Luxemburg |
Eva Marija | Mother Nature | eŋgâlâskielâ | 60 | 12 |
| 5 |  Čekki |
Daniel Zizka | Crossroads | eŋgâlâskielâ | 142 | 9 |
| 6 |  Armenia |
Simón | Paloma rumba | eŋgâlâskielâ | 49 | 14 |
| 7 |  Sveicci |
Veronica Fusaro | Alice | eŋgâlâskielâ | 108 | 11 |
| 8 |  Kypros |
Antigoni | Jalla | kreika- já eŋgâlâskielâ | 122 | 10 |
| 9 |  Latvia |
Atvara | Ēnā | latviakielâ | 49 | 13 |
| 10 |  Tanska |
Søren Torpegaard Lund | Før vi går hjem | tanskakielâ | 199 | 5 |
| 11 |  Australia |
Delta Goodrem | Eclipse | eŋgâlâskielâ | 222 | 3 |
| 12 |  Ukraina |
Leléka | Ridnym | ukraina- já eŋgâlâskielâ | 174 | 6 |
| 13 |  Albania |
Alis | Nân | albaniakielâ | 158 | 7 |
| 14 |  Malta |
Aidan | Bella | malta-, eŋgâlâs- já italiakielâ | 143 | 8 |
| 15 |  Taažâ |
Jonas Lovv | Ya Ya Ya | eŋgâlâskielâ | 206 | 4 |
Fiinaal
[mute | mute käldee]Fiinaal uárnejui vyesimáánu 16. peeivi 2026.[2] Tastko Nuorttâriijkâ vuoitij ive 2025 Euroviisuid, tot peesâi automaatlávt ive 2026 finalân nuuvtko Euroviisui vittâ stuárráámuu ruttâdemeennâm ađai Espanja, Italia, Ranska, Ovtâstum kunâgâskodde já Saksa. Espanja kuittâg almottij, ete boikotist taan ive Euroviisuid, tastmaŋa ko EBU almottij skammâmáánu 4. peeivi 2025, ete Israel uážžu uásálistiđ.[6] Taan keežild ive 2026 finalân uásálistii tuše nelji stuárráámuuh ruttâdemeennâm, moonnâm ive vyeittee Nuorttâriijkâ já toh enâmeh, moh lijjii love pyeremuu juávhust vuossâmuu semifinalist já nube semifinalist ađai finalân uásálistii ohtsis 25 enâmid.
Fiinaal aalgij lippuráiđoin, mast oovdânpuáhtojii finalist kištottâllee artisteh. JJ láávlui The Queen of the Night -pitá. Lyeve alne lijjii talle fáárust Wien radio sinfoniaorkester, tánssájeijeeh já akrobatteh. Koskâpuudâ artisteh lijjii ei. ovdebij euroviisui ovdâsteijeeh Max Mutzke (Saksa 2004), Ruslana (Ukraina 2004), Lordi (Suomâ 2006), Vjerka Serdjutška (Ukraina 2007), Alexander Rybak (Taažâ 2009 já 2018) Il Volo (Italia 2015), Miriana Conte (Malta 2025) já Erika Vikman (Suomâ 2025), kiäh lavluu uđđâ versioid kištopitáinis. Sii lasseen lávdástáin nuorttâriijkâlâš musikkár Parov Stelar, kii oovdânpuáhtá jieijâs muusikpittáid já Cesár Sampson (Nuorttâriijkâ 2018), kii oovdânpuovtij Billy Joel pitá Vienna.
Lopâlâš lávdástâllâmoornig almostittui vyesimáánu 15. peeivi 2026:[17]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2026.
Käldeeh
[mute | mute käldee]- ↑ Olthuis, Marja-Liisa: Euroviisui 2025 vyeittee lii Nuorttâriijkâ – Fáárust ennuv syemmilâš pargo Anarâš aavis. 19.5.2025. Arkkâdistum Čujottum 19.5.2025.
- 1 2 3 4 5 Pudas, Mari: Tässä on Euroviisujen isäntäkaupunki Iltalehti. 20.8.2025. Arkkâdistum Čujottum 20.8.2025. (suomâkielân)
- ↑ Aaltonen, Elise: Bulgaria nousi Euroviisujen yllätysvoittajaksi – tällainen on kappaleen esittäjä Dara yle.fi. 17.5.2026. Čujottum 17.5.2026. (suomâkielân)
- 1 2 35 broadcasters to compete at 70th Eurovision Song Contest in Vienna EBU. 15.12.2025. Čujottum 12.5.2026. (eŋgâlâskielân)
- 1 2 Bulgaria, Romania and Moldova will return to Eurovision for Vienna 2026 eurovision.tv. 4.11.2025. Čujottum 10.12.2025. (eŋgâlâskielân)
- 1 2 3 4 5 Muhonen, Helmi, Kokko, Tuomas já Pölönen, Sakri: Israel saa osallistua Euroviisuihin, Ylen mukaan myös Suomi valmistautuu laulukilpailuun Helsingin Sanomat. 4.12.2025. Arkkâdistum Čujottum 10.12.2025. (suomâkielân)
- 1 2 3 Ragnar Jón Hrólfsson: Ísland tekur ekki þátt í Eurovision 2026 RÚV. 10.12.2025. Čujottum 10.12.2025. (islandkielân)
- ↑ Eurovision Village opens its doors, launching citywide celebrations in Vienna EBU. 9.5.2026. Čujottum 13.5.2026. (eŋgâlâskielân)
- 1 2 Vienna 2026 hosts revealed EBU. 29.1.2026. Čujottum 3.4.2026. (eŋgâlâskielân)
- 1 2 Olthuis, Marja-Liisa: Euroviisuh uárnejuvvojeh Wienist Nuorttâriijkâst anarasaavis.fi. 12.5.2026. Čujottum 12.5.2026.
- ↑ Poikela, Kaisa-Maria: Xia Torikka já Mikkâl Morottaja lává Euroviisui uđđâ sämikielâg läiđejeijeeh – taan tove tuše fiinaal lii sämikielân yle.fi. 12.5.2026. Čujottum 12.5.2026.
- ↑ Suomi esiintyy tämän vuoden Euroviisujen ensimmäisessä semifinaalissa Yle. 12.1.2026. Čujottum 14.1.2026. (suomâkielân)
- ↑ Salli Hakala: Euroviisujen voittaja luopuu palkinnostaan Ilta-Sanomat. 11.12.2025. Čujottum 13.12.2025.
- 1 2 Vienna 2026: Semi-Final Draw results Eurovoix. 12.1.2026. Čujottum 3.4.2026. (eŋgâlâskielân)
- 1 2 3 4 Vienna 2026: Semi-Final Running Orders revealed EBU. 2.4.2026. Eurovision.tv. Čujottum 3.4.2026. (eŋgâlâskielân)
- 1 2 Vanhala, Akseli: Euroviisujen esiintymisjärjestys selvillä Iltasanomat. 2.4.2026. Čujottum 3.4.2026. (suomâkielân)
- ↑ The Running Order of the Eurovision 2026 Grand Final EBU. 15.5.2026. Čujottum 15.5.2026. (eŋgâlâskielân)