Duolingo
| Duolingo | |
|---|---|
.svg){kind=logo} |
|
| Päikkisijđo |
www |
| Tijppâ | máttááttâssppellâ |
| Registeristem | págulâš |
| Ráhtám | Luis von Ahn, Severin Hacker |
| Lehâstum | 19. kesimáánu 2012 |
| Ohjelmistemkielâ | Kotlin, Swift, React, Python, Scala, HTML, CSS, JavaScript |
| Tááláš tile | aktiivlâš |
Duolingo lii kielâi máttááttâlmân uáivildum nettisijđo. Duolingo puáhtá kevttiđ laađđâmist sehe heiviittâssân Android-, iOS- ja Windows Phone -vuáđuin. Duolingost oppâm vuáđuduvá luuhâm-, čäällim-, kuldâlem- já sárnumhárjuttâssáid, moh láá juohhum oppâtiijmijd. Tiijmeh vuájuh eres tááiđuid ("skills").[1] Duolingo viggá hokâttâllâđ kevtteid rähtimáin hárjuttâsâin spellâhámásijd.[2] Kevttee puáhtá viärdádâllâđ suu ovdánem já kištottâllâđ iärásijgijn.[1] Duolingoin sáttá olleeđ ovdánâm algâttellee tâi vyeleeb koskâtääsi kielâtááiđu.[2]
Juovlâmáánust 2020 Duolingo faalâi 98 kielâkurssâd 39 eres kieláin.[3] Enâmustáá kevtteeh lijjii eŋgâlâskielâ kuursâst espanjakielâlijd já nubben enâmustáá espanja kuursâst eŋgâlâskielâlijd. Kuálmádin pivnohumos lâi ranskakiel kurssâ eŋgâlâškielâlijd. Beetaversio suomâkiel kuursâst eŋgâlâskielâlijd almostui kesimáánust 2020.[4][5] Ive 2020 Duolingo almostitij statistiikijd, moi mield Suomâst máttááttâleh enâmustáá espanjakielâ já ruotâkielâ.[3] Algâaalmugij kielâin Duolingost lii máhđulâš luuhâđ navajokielâ.
Historjá
[mute | mute käldee]Duolingo vuáđudii ive 2011 Pittsburghist Carnegie Mellon -ollâopâttuv professor Luis von Ahn já Severin Hacker, Hector Villafuerte, Brendan Meeder, Vicki Cheung já Antonio Navas.[6]
Duolingo piejui almosin kesimáánust 2012. iPhone-heiviittâs poođij faallâmnáál siämmáá ive skammâmáánust já Android-heiviittâs vyesimáánust 2013.[7][8]
Syeinimáánust 2014 Duolingo leehâi Duolingo Test Center. Nettipalvâlusâst puáhtá čođâldittiđ kielâiskos mikrofon já kamera peht já uážžuđ árvuštâllâm jieijâs kielâtááiđust.
Ive 2015 aalgâst Duolingo falâškuođij máttáátteijei uáivildum stivrimuáinus, mon nommâ lii Duolingo for Schools.[1]
Ive 2017 Duolingo algâttij Duolingo Stories -palvâlus. Tot sistuálá uánihis mainâsijd, moin sáttá hárjuttâllâđ kuullâm- já luuhâmiberdem.[9]
Ive 2021 Duolingo muštâlij almolávt, ete áigu mutteđ finnoduv pörssi finnodâhhân, já ton mield pyehtiđ árvu-uásusijdis Nasdaq-pörssin.[10]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Duolingo.
Käldeeh
[mute | mute käldee]- 1 2 3 Duolingo, the Chart-Topping Language App, Unveils a Platform for Teachers entrepreneur.com. Čujottum 22.7.2015. (eŋgâlâskielân)
- 1 2 Adams, Susan: Game of Tongues: How Duolingo Built A $700 Million Business With Its Addictive Language-Learning App Forbes. 16.7.2019. Čujottum 7.9.2019. (eŋgâlâskielân)
- 1 2 Blanco, Cindy: 2020 Duolingo Language Report: Global Overview 15.12.2020. Duolingo. (eŋgâlâskielân)
- ↑ Duolingo Language Courses Duolingo. Čujottum 15.12.2020.
- ↑ Suositussa kielisovelluksessa voi opiskella nyt myös suomea – Mukana peliyhtiö Rovio ja meemibrändi Very Finnish Problems Kauppalehti. 24.6.2020. Čujottum 24.6.2020.
- ↑ Suositussa kielisovelluksessa voi opiskella nyt myös suomea – Mukana peliyhtiö Rovio ja meemibrändi Very Finnish Problems Kauppalehti. 24.6.2020. Čujottum 24.6.2020.
- ↑ Duolingo Language Courses Duolingo. Čujottum 15.12.2020.
- ↑ SiliconBeat – Language-learning startup Duolingo looks to double reach with Android app release siliconbeat.com. Vyerkkejum 22.7.2015. Čujottum 22.7.2015.
- ↑ Duolingo Language Courses Duolingo. Čujottum 15.12.2020.
- ↑ Duolingo, the fast-growing language-learning app, files for IPO MarketWatch. 29.6.2021. Čujottum 5.7.2021. (eŋgâlâskielân)