Diwali
Diwali adai čuovâ juhle (nommâ puátá sanskritkielâ säänist dipavali 'lamppuráiđu') lii ohtâ hindui puoh tehálumosijn juuhlijn. Tom juhloh meid sikhih, jainaliih já iäráseh-uv. Juhle pištá vittâ peeivi já taas kuleh tiätu ärbivyevih, mutâ sierâ siärvusijn já kuávluin láá meiddei jieškote-uvlágáneh täävih. Juhleäigi meriduvvoo hindui kalender mield. Táválávt diwali juhloo roovvâdmáánu já skammâmáánu kooskâst.[1]
Ärbivyevih
[mute | mute käldee]Juhloi ääigi ulmuuh eereeb iärrás cokkiitteh oljolaampuid já hiärvástâllâmrakettijd, ruhâdâleh, hervejeh paihijdis, poreh ärbivuáválijd heerskuid já eres purrâmušâid sehe uástih skeeŋkâid já uđđâ pihtâsijd. Sij rähtih meid rangolijd, fiijnâ kovosijd ivnáás čunnust já riisist.[1]
Juuhlij kuávdáš immeel lii Lakshmi, mii juhloo eromâšávt kuálmád peeivi.[1]
Pirâsvädisvuođah
[mute | mute käldee]Čuovâ juhleest lii meid nubbe peeli: maaŋgah tuhátteh hiärvástâllâmraketteh hiäjusmiteh ááimu kvaliteet, mii lii jo mudoi-uv hyeni Indiast, kost diwali eromâšávt juhloo. Ton keežild rakettijd cokkiittem lii motomij kuávlui kieldum.[2]
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Diwali.
