Chief Standing Bear Prize for Courage -palhâšume
Chief Standing Bear Prize for Courage -palhâšume lii palhâšume, mii adeluvvoo ihásávt algâaalmug jesânân, kote čáittá stuorrâ ruokkâdvuođâ pooliitlávt teikâ sosiaallávt. Tom juáhá Chief Standing Bear Project -servi, mii vuáđudui ive 2022. Seervi ulmen lii kunnijâttiđ ponca-aalmug hoovdâ Standing Bear já suu tuáru aalmuglâšvuoigâdvuođâi peeleest. Standing Bear lâi vuossâmuš algâameriklâš, kote tubdâstui olmožin Ovtâstum staatâi laavâ mield.[1]
Palhâšumán kuleh meetterpele kukkosâš pääcis Standing Bear -hoovdâst já 5 000 dollar ruttâpalhâšume.[1]
Vyeitteeh
[mute | mute käldee]| Ihe | Vyeittee | Áámmát |
|---|---|---|
| 2022 | Wes Studi | čaittâleijee já musikkár |
| 2023 | Tom Brewer | suáldát já politikkár |
| 2024 | Diane Humetewa | tuámmár |
| 2025 | Deb Haaland | politikkár |
Deb Haaland
[mute | mute käldee]Chief Standing Bear Project -servi adelij ive 2025 palhâšume Laguna puebloindiaanáid kullee Haalandân, tastko sun piergij ekonomâlij vaigâdvuođâiguin ohtuuhuolâtteijen, čođâlditij vuoigâdvuođâtiettuu totkos já leehâi luodâ algâaalmugij jesânáid Ovtâstum staatâi politiikist. Haalandist šoodâi vuossâmuš algâameriklâš haldâttâsminister, ko president Joe Biden nomâttij suu sisministerin iivij 2021–2025.[2]
Käldeeh
[mute | mute käldee]- ↑ a â Standing Bear Prize for Courage Chief Standing Bear. Čujottum 1.8.2025. (eŋgâlâskielân)
- ↑ Valkeapolku, Valtteri: Deb Haaland finnee Chief Standing Bear Prize -palhâšume anarasaavis.fi. 1.8.2025. Čujottum 1.8.2025.