CARE-prinsiipeh
CARE-prinsiipeh (eŋgâlâskielân CARE Principles for Indigenous Data Governance) láá ravvuuh, moi ulmen lii stivriđ ávus tiäđui haavâid toin naalijn, et haavah váldáččij huámášumán algâaalmugij vuoigâdvuođah já hiäđuh. Taid keksij ive 2019 International Indigenous Data Sovereignty Interest Group -juávkku, mii kulá Research Data Alliance -viärmádâhân.[1]
C-puustav puátá eŋgâlâskielâ eđâlduvâst Collective benefit, adai tiäđu (uđđâsist)kevttim tuárju algâaalmug já puáhtá oovdân siärvus áárvuid. A-puustav puátá eđâlduvâst Authority to control, adai algâaalmug kolgâččij jieš leđe fáárust miäruštâlmin materiaal kiävtu. R-puustav puátá säänist Responsibility, adai tot tiädut ovdâsvástádâs. Nuubij sanijguin (ij-)algâaalmugliih instituuteh kalgeh tähidiđ, et tiätu tuárju algâaalmugjuávhu(id). E tiädut eetiik, adai algâaalmug eetiik kolgâččij stivriđ tiäđui kevttim.[2]
Fáádást eres soojijn
[mute | mute käldee]- CARE-prinsiipeh (eŋgâlâskielân)
Käldeeh
[mute | mute käldee]- ↑ Carroll, Stephanie Russo et al.: The CARE Principles for Indigenous Data Governance. Data Science Journal, 2020. doi:10.5334/dsj-2020-043.
- ↑ Olthuis, Marja-Liisa: Totkee Joshua Wilbur muštâl: pittáámsämikielâst láá uccáá resurseh anarasaavis.fi. 7.3.2025. Čujottum 7.3.2025.