Artemis II
.jpg)
Artemis II lâi Artemis-ohjelm nubbe kirdem já vuossâmuš almaidittum kirdem. Ovdebáá almaidittum kirdem Mánudâžân lâi Apollo 17 paijeel 50 ihheed ovdâlist.[1]
Mánudâšrakkeet paččui suullân love peeivi kukkosii máátkán cuáŋuimáánu 1. peeivi tijme 18.35.12 EDT ađai cuáŋuimáánu 2. peeivi tijme 1.35.12 Suomâ ääigi.[2] Cuáŋuimáánu 2. peeivi tijme 23.49 EDT (tijme 6.49 Suomâ ääigi) TLI‑moottorpuáldimáin Orion-komovuotâskiijpâ paččui Eennâm juurrâmraađeest Mánudáá kulij.[3] Ulmen lâi kirdeđ Mánudáá pirrâ já te maccâđ Enâmân siäivuhánnáá Mánudáá asan.[2][3][4]
Artemis II lâi vuossâmuš almaidittum kirdem, kost kiävttojii Orion-komovuotâskiijpâtiijpâsâš (skiijpâ 003 Integrity) já SLS-kyeddimrakkeet oovtâst. Tain kuálusáin kevttui kuittâg tuše ohtii ovdil taan määđhi, mut tallaaš Artemis I -iskoskirdem Mánudáá pirrâ lâi almaiduvttáá.
Artemis II maacâi torvolávt Enâmân já siäivui Kuálhis väldimeerân tijme 19.07.27 CST cuáŋuimáánu 10. peeivi 2026 ađai 3.07.27 Suomâ ääigi cuáŋuimáánu 11. peeivi. Kirdem piištij ohtsis 9 pirrâmpeivid 1 tijme 32 m minuttid 15 sekuntid.
Almaidâh
[mute | mute käldee]Kirdem astronautij noomah almottuvvojii cuáŋuimáánu 3. peeivi 2023.[5] Fáárust lijjii komendeijee Reid Wiseman, piiloot Victor Glover já missiospesialisteh Christina Koch já Jeremy Hansen.[5][6] Hansen lii Kanada komovuotâornijdume (CSA) astronaut já vuossâmuš ij-ovtâstumstaatâlâš, kote lii kirdám Eennâm juurrâmrađe nubebel já Mánudáá pirra.[7]
| Kove | Staatâ | Astronaut | Komovuotâornijdume | Pargo |
|---|---|---|---|---|
 |
 USA |
Reid Wiseman | NASA | Komendeijee |
 |
USA |
Victor Glover | NASA | Piiloot |
 |
USA |
Christina Koch | NASA | Missiospesialist 1 |
 |
 Kanada |
Jeremy Hansen | CSA | Missiospesialist 2 |
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Artemis II.
Käldeeh
[mute | mute käldee]- ↑ Malminen, Ulla já Niikko, Satu-Maria: Artemis 2 ampaisi avaruuteen ensimmäisenä kuulentona yli 50 vuoteen yle.fi. 1.4.2026. Čujottum 3.4.2026.
- 1 2 Olthuis, Marja-Liisa: Artemis II ‑mánudâškirdem paččui cuáŋuimáánu 1. peeivi – NASA vuolgâttij historjálii tábáhtus njuálguvuolgâttâssân Anarâš aavis. 2.4.2026. Čujottum 7.4.2026.
- 1 2 Olthuis, Marja-Liisa: Artemis II ‑komovuotâskiijpâ lii juksâm Mánudáá juurrâmrađe Anarâš aavis. 6.4.2026. Čujottum 7.4.2026.
- ↑ Olthuis, Marja-Liisa: NASA almoot Artemis-mánudâškirdemij sirdemist Anarâš aavis. 11.1.2024. Čujottum 7.4.2026.
- 1 2 Olthuis, Marja-Liisa: Artemis II -mánudâšmääđhi astronauteh láá väljejum Anarâš aavis. 3.4.2023. Čujottum 7.4.2026.
- ↑ Bono, Susanna: Artemis 2 -miehistö matkalla kohti Kuuta Yle Uutiset (yle.fi). 3.4.2026. Yleisradio Oy. Čujottum 7.4.2026.
- ↑ Murphy, Jessica: How a chance meeting shaped Canadian Jeremy Hansen's mission to the Moon BBC News. 2.4.2026. British Broadcasting Corporation. Čujottum 7.4.2026. (eŋgâlâskielân)
| Kirdemeh |
| .svg) | ||||||||
|---|---|---|---|---|---|---|---|---|---|---|